పూనమ్ కౌర్ తరచుగా తన ట్విట్టర్ అకౌంట్ ద్వారా త్రివిక్రమ్ మీద వ్యంగ్యాలు, ఆరోపణలు చేస్తూ అందరి దృష్టినీ ఆకర్షిస్తుంటుంది. అయితే, ఆమె ఎప్పుడూ అసలు విషయం ఏంటో వివరించలేదు. ఈ మధ్య నయనతారకు మద్దతు ఇస్తూ ఆమె చేసిన ట్వీట్లు మరోసారి చర్చకు దారి తీశాయి. ప్రస్తుతం నయనతార, ధనుష్ మధ్య నెలకొన్న వివాదం నెట్టింట హాట్ టాపిక్గా మారింది.
నయన్ చేసిన ఆరోపణలపై ధనుష్ ఫ్యాన్స్ గట్టిగా కౌంటర్లు వేస్తుండగా, నయనతారకు పలువురు సెలెబ్రిటీల మద్దతు లభిస్తోంది. నెట్ఫ్లిక్స్ డాక్యుమెంటరీలో నేడు రౌడీనేకి సంబంధించిన మూడు సెకన్ల క్లిప్ వాడటంపై, ధనుష్ నయన్కు రూ.10 కోట్ల నోటీసు పంపాడు. దీనిపై నయనతార ధనుష్ వ్యక్తిత్వాన్ని తీవ్రంగా విమర్శించేలా ఓ ప్రెస్ నోట్ విడుదల చేసింది.ఈ క్రమంలో, పూనమ్ కౌర్ నయనతార ఫైర్ అంటూ ట్వీట్ చేసింది. దీనికి స్పందించిన ఓ పవన్ కళ్యాణ్ అభిమాని, ధనుష్ తన కంటెంట్ను కాష్ చేసుకోవడంలో తప్పేముంది అని ప్రశ్నించాడు.
అయితే, పూనమ్ దీన్ని పూర్తిగా పక్కదారి పట్టించి, త్రివిక్రమ్పై కౌంటర్లకు దిగింది. త్రివిక్రమ్ కాపీ కొట్టినప్పుడు అది తప్పు కాదా అని వ్యాఖ్యానించింది. అయితే, త్రివిక్రమ్ పేరును ఇలా మధ్యలో లాగడంపై నెటిజన్లు ఆగ్రహం వ్యక్తం చేస్తున్నారు. విషయం ధనుష్, నయన్ గురించినప్పుడు త్రివిక్రమ్ పేరు ఎందుకు తీస్తుంది అంటూ ప్రశ్నల వర్షం కురిపిస్తున్నారు. పూనమ్, త్రివిక్రమ్ మధ్య ఉన్న అసలు గొడవ ఏమిటో ఇప్పటికీ ఆమె స్పష్టత ఇవ్వలేదు.అప్పుడప్పుడు పవన్ కళ్యాణ్ మీద కూడా ఎలాంటి కాన్సిస్టెంట్ ఆరోపణలు లేకుండా వ్యాఖ్యలు చేస్తుండడం నెటిజన్లకు మళ్లీ ప్రశ్నలు కలిగిస్తోంది.ఫిల్మ్ ఛాంబర్ నుంచి ఆమె ఏం కంప్లైంట్లు ఇవ్వలేదన్న విషయం మరోవైపు ఉంది. పూనమ్ అసలు తనకు జరిగిన అన్యాయం ఏమిటో చెప్పకపోవడం, తన ట్వీట్ల ద్వారా మాత్రమే వివాదాస్పద వ్యాఖ్యలు చేయడం మాత్రం వరుసగా చర్చనీయాంశంగా మారుతోంది.