కన్నడ సినీ పరిశ్రమను ఊపేసిన బ్లాక్బస్టర్ ‘కాంతారా’తో రిషబ్ శెట్టి దేశవ్యాప్తంగా పేరు తెచ్చుకున్నారు. ప్రేక్షకుల మనసులు గెలుచుకున్న ఈ చిత్రానికి కొనసాగింపుగా ప్రీక్వెల్ను ప్రకటించారు. ఈ కొత్త సినిమా టైటిల్ను కాంతారా: చాప్టర్ 1 అని ఖరారు చేశారు. ప్రస్తుతం ఈ చిత్రం షూటింగ్ శరవేగంగా కొనసాగుతోంది. రిషబ్ శెట్టి తాజాగా సోషల్ మీడియా ద్వారా ఈ ప్రీక్వెల్ విడుదల తేదీని వెల్లడించారు. ‘కాంతారా చాప్టర్ 1’ను 2025, అక్టోబర్ 2న భారీ స్థాయిలో విడుదల చేయనున్నట్లు తెలిపారు. ఈ సినిమా ‘హోంబాలే ఫిల్మ్స్’ బ్యానర్పై విజయ్ కిరగందురు నిర్మిస్తున్నారు. మునుపటి సినిమాకంటే మరింత ప్రతిష్టాత్మకంగా రూపొందుతున్న ఈ చిత్రానికి హాలీవుడ్ స్టంట్ టెక్నీషియన్లను తీసుకొచ్చారు.రిషబ్ శెట్టి ఈ సినిమాలో ప్రధాన పాత్రలో నటించడం మాత్రమే కాకుండా దర్శకత్వ బాధ్యతలు కూడా చేపట్టారు.
ప్రస్తుతం షూటింగ్ కుందాపూర్ ప్రాంతంలో జరుగుతోంది.ఈ ప్రాజెక్ట్ మీదే ఆయన పూర్తి దృష్టి పెట్టారు. భారీ బడ్జెట్తో రూపొందుతున్న ఈ సినిమా, ప్రీ-ప్రొడక్షన్కు కూడా ఎంతో సమయం కేటాయించారు.’కాంతారా’ మొదట కేవలం కర్ణాటకలోనే విడుదలై విజయవంతం అయింది. దేశంలోని ఇతర రాష్ట్రాల్లో సినిమా డిమాండ్ పెరగడంతో, చిత్రాన్ని పలు భాషల్లోకి డబ్ చేసి విడుదల చేశారు. ఈ ప్రీక్వెల్ను మాత్రం అంతర్జాతీయ స్థాయిలో విడుదల చేయనున్నట్లు చిత్ర బృందం స్పష్టం చేసింది.’కాంతారా: చాప్టర్ 1′ అప్డేట్ల కోసం అభిమానులు ఉత్కంఠగా ఎదురుచూస్తున్నారు. రిషబ్ శెట్టి గత చిత్ర విజయంతో కలిగించిన ప్రభావాన్ని దృష్టిలో పెట్టుకుంటే, ఈ సినిమా భారీ విజయం సాధించబోతుందనడంలో సందేహమే లేదు. అనుభవించడానికి ఇంకా రెండేళ్ల సమయం ఉన్నప్పటికీ, ఈ సినిమాపై ప్రేక్షకుల్లో నమ్మకం, ఆసక్తి ఇప్పటికే తారాస్థాయిలో ఉంది.