షారుఖ్ ఖాన్ హాస్పిటల్ ఫోటోలు: నిజం ఏమిటి? బాలీవుడ్ బాద్షా షారుఖ్ ఖాన్కు సంబంధించిన కొన్ని ఫోటోలు ఇటీవల ఇంటర్నెట్లో వైరల్గా మారాయి. ఇందులో ఆయన ఆస్పత్రి బెడ్పై ఉన్న దృశ్యాలు చూసి అభిమానులు తీవ్ర ఆందోళనకు గురయ్యారు. సోషల్ మీడియాలో ఆ ఫోటోలు చూసిన నెటిజన్లు షారుఖ్ ఆరోగ్యం గురించి అనేక సందేహాలు వ్యక్తం చేస్తున్నారు. ఫోటోలు పాతవే, కానీ ఈ ఫోటోలను రూహి కౌశల్ అనే ఇన్స్టాగ్రామ్ యూజర్ షేర్ చేశారు. షారుఖ్ ఆస్పత్రిలో చేరారని, ఆయన ఆరోగ్యం కోసం ప్రార్థించాలంటూ పోస్ట్ చేసిన ఈ ఫోటోలు ఆన్లైన్లో వేగంగా పాకాయి.
అభిమానుల మధ్య పెరిగిన గందరగోళం కారణంగా అనేకమంది తమ సోషల్ మీడియా అకౌంట్స్లో ఈ ఫోటోల్ని షేర్ చేశారు.వాస్తవానికి, ఈ ఫోటోలు కొత్తవి కావు. షారుఖ్ ఖాన్ మే 2022లో అహ్మదాబాద్లోని KD హాస్పిటల్లో డీహైడ్రేషన్ కారణంగా కొద్దిసేపు చేరారు. అప్పుడు తీసిన ఈ ఫోటోలను ఇప్పుడు మార్ఫింగ్ చేసి, తప్పుదోవ పట్టించే విధంగా సోషల్ మీడియాలో పోస్ట్ చేశారు. మొదట ఈ వార్తను నిజమని భావించిన అభిమానులు ఆందోళన చెందగా, అనంతరం నిజం వెలుగులోకి రావడంతో ఊరట చెందారు.సినీ జీవితంలో విజయాల జోరు ఇదిలా ఉండగా, షారుఖ్ ఖాన్ తన కెరీర్లో మరొక గోల్డెన్ ఛాప్టర్ను లిఖించుకుంటున్నారు.
పఠాన్, జవాన్, డుంకీ చిత్రాలతో వరుస హిట్లు అందుకున్న ఆయన, బాక్సాఫీస్ రికార్డులను తిరగరాశారు. ఈ మూడు సినిమాలు భారీ వసూళ్లతో పాటు విమర్శకుల ప్రశంసలు కూడా అందుకున్నాయి. ప్రస్తుతం షారుఖ్ ఖాన్ తన కూతురు సుహానా ఖాన్ నటిస్తున్న ఒక ప్రాజెక్ట్లో ప్రత్యేక పాత్రలో నటిస్తున్నారు. ఈ చిత్రానికి సుజయ్ ఘోష్ దర్శకత్వం వహిస్తున్నాడు. ఈ సినిమాకు సంబంధించిన మరిన్ని వివరాలు త్వరలో వెల్లడయ్యే అవకాశముంది.ఆర్యన్ ఖాన్ కొత్త ప్రయాణం ఇక షారుఖ్ కుమారుడు ఆర్యన్ ఖాన్ కూడా బాలీవుడ్ ఎంట్రీకి సిద్ధమవుతున్నారు. కానీ తండ్రిలాగా హీరోగా కాకుండా, దర్శకుడిగా ప్రయాణాన్ని ప్రారంభించబోతున్నారు.
ఆయన రాసిన ఆసక్తికరమైన స్క్రిప్ట్తో ఓ వెబ్సిరీస్ రూపొందిస్తున్నారు. నెట్ఫ్లిక్స్ మరియు రెడ్ చిల్లీస్ ఎంటర్టైన్మెంట్ సంయుక్తంగా నిర్మిస్తున్న ఈ సిరీస్ 2025లో విడుదల కానుంది. సామాజిక మాధ్యమాల్లో కొన్ని వార్తలు ఎంత వేగంగా ప్రచారం పొందుతాయో, అవి వాస్తవానికి ఎంత దూరంగా ఉండవచ్చో ఈ సంఘటన నిరూపిస్తుంది. అభిమానుల ప్రేమ, శ్రద్ధపై దుష్ప్రచారానికి తావులేకుండా, నిజమైన సమాచారం కోసం ఎల్లప్పుడూ ధృవీకరించుకోవాలి.
