ప్రఖ్యాత నటి కరీనా కపూర్ ఇటీవల కోల్కతా వైద్యురాలిపై జరిగిన హత్యాచారం ఘటనపై స్పందిస్తూ లింగ సమానత్వం గురించి కొడుకులకు తల్లులే సకాలంలో చెబుతారని అన్నారు NDTV సమ్మిట్లో పాల్గొన్న ఆమె పిల్లలకు చిన్నప్పటి నుంచే లింగ సమానత్వం మరియు మహిళలను గౌరవించడం వంటి విలువలను నేర్పించాల్సిన అవసరం ఉందని జోరుగా వ్యాఖ్యానించారు లింగ సమానత్వం గురించి పిల్లలకు 4-5 ఏళ్ల వయస్సు నుంచే మాట్లాడటం ప్రారంభించాలి ఇది అసౌకర్యంగా అనిపించినప్పటికీ తల్లులే ఈ విషయంపై సానుకూలంగా ముందుకు వచ్చి పిల్లలకు సరైన దారిని చూపించాలి నేను నా కొడుకులు తైమూర్ (7) జహంగీర్ (3)కు కూడా ఆడపిల్లలను గౌరవించడం గురించి తరచూ చెబుతుంటాను వాళ్లు ఎదుగుతున్నప్పుడు ఈ విలువలను చిత్తశుద్ధితో పాటించాలి అని కరీనా వివరించారు.
ఈ సందర్బంగా కరీనా కపూర్ సమాజంలో లింగ సమానత్వం సాధించడం కోసం తల్లిదండ్రులు మగపిల్లలపై ప్రత్యేక దృష్టి పెట్టాలని పేర్కొన్నారు పిల్లలు ఎదిగే వయసులోనే సరైన మార్గదర్శకత్వం అందిస్తే వారు మహిళల పట్ల గౌరవభావాన్ని స్వంతం చేసుకుంటారని భవిష్యత్లో సమాజం మరింత సమానత్వవంతంగా మారుతుందని ఆమె అభిప్రాయపడ్డారు కరీనా పేర్కొన్న ఈ వ్యాఖ్యలు సమాజంలో మహిళలపై జరుగుతున్న దాడులు మరియు అసమానత్వం వంటి సమస్యల పరిష్కారానికి పిల్లల నుండి మార్పు తీసుకురావడం ఎంత ముఖ్యమో సూచిస్తున్నాయి.
