చాలా కాలంగా నందమూరి అభిమానులు ఆసక్తిగా ఎదురు చూస్తున్న అఖండ 2 అప్డేట్ ఎట్టకేలకు బయటకు వచ్చింది. బాలకృష్ణ దూకుడుగా సంక్రాంతి పండుగ కోసం డాకూ మహారాజ్ సినిమాతో రెడీ అవుతూనే, మరోవైపు అఖండ 2 కోసం మేకర్స్ పూర్తి స్థాయిలో ప్రణాళికలు సిద్ధం చేస్తున్నారు. ఈ సీక్వెల్పై టీమ్ ఇచ్చిన అప్డేట్ అభిమానుల ఉత్సాహాన్ని రెట్టింపు చేసింది. అఖండ 2 రాబోతున్న అదిరిపోయే అప్డేట్ బాలయ్య ఓ వైపు రాజకీయాల్లో బిజీగా ఉంటూనే, మరోవైపు తన సినిమాలను క్రమం తప్పకుండా పూర్తి చేస్తూ తన స్పీడ్తో కొత్త తరహా హీరోలకు కూడా సవాలు విసురుతున్నారు. అఖండ 2 సినిమాను సెప్టెంబర్ 25, 2025న విడుదల చేయనున్నట్లు అధికారికంగా ప్రకటించారు. ఈ సినిమా దసరా పండుగకు గ్రాండ్ రీలీజ్ అవుతుందని మేకర్స్ ధృవీకరించారు.
అఖండ 2 టీమ్ తాలూకు వివరాలు గతంలో అఖండ సినిమా బాక్సాఫీస్ వద్ద సంచలన విజయం సాధించిన విషయం తెలిసిందే. ఈ సీక్వెల్లోనూ బాలయ్య తన మాస్ అవతార్ను మరో స్థాయికి తీసుకెళ్లనున్నారని సమాచారం. 14 రీల్స్ ప్లస్ మరియు నందమూరి తేజస్విని కలిసి ఈ చిత్రాన్ని నిర్మిస్తున్నారు. దర్శకుడు బోయపాటి శ్రీను మరోసారి పవర్ఫుల్ సీక్వెల్ను అందించేందుకు రంగం సిద్ధం చేస్తున్నారు. బాలయ్య స్పీడ్ చూస్తే కుర్ర హీరోలకు కుళ్లు బాలయ్య స్పీడ్ చూసి నిజంగా కొత్త తరహా హీరోలు సైతం ఆశ్చర్యపోతున్నారు. ఒక వైపు రాజకీయాలు, మరోవైపు సినిమాలు.. అన్నీ సమన్వయం చేసుకుంటూ అభిమానుల ఆశలను నెరవేర్చడం బాలయ్య స్పెషాలిటీ. గతంలో భగవంత్ కేసరి సినిమాతో దసరాకు ఘన విజయాన్ని అందుకున్న బాలయ్య, ఇప్పుడు అదే మ్యాజిక్ను 2025లో అఖండ 2 తో రిపీట్ చేయాలని చూస్తున్నారు.అఖండ 2 అప్డేట్ నందమూరి అభిమానుల్లో నూతన ఉత్సాహాన్ని నింపింది. ఈ సీక్వెల్ మరోసారి బాలయ్య రేంజ్ను మరింత ఎత్తుకు తీసుకెళ్తుందని నమ్మకం.