మెగాస్టార్ చిరంజీవి తెలుగు సినీ పరిశ్రమలో నాలుగు దశాబ్దాలకు పైగా ఒక అగ్ర కథానాయకుడిగా కొనసాగుతున్నారు. మూడు దశాబ్దాల పాటు టాప్ హీరోగా ఒక వెలుగు వెలిగి, అనేక సూపర్ హిట్ చిత్రాలను అందించిన చిరు, రాజకీయాల్లోకి వెళ్లి తిరిగి వచ్చాక మాత్రం అంతగా విజయాలను సాధించలేకపోయారు. ఖైదీ నెంబర్ 150, వాల్తేరు వీరయ్య సినిమాలే రెండో ఇన్నింగ్స్‌లో ఘన విజయం సాధించాయి. అయితే, ఆయన కెరీర్‌లో డేట్లు ఖాళీ లేక, కథ నచ్చక, లేదా ఇతర కారణాల వల్ల తిరస్కరించిన కొన్ని సినిమాలు ఆ తర్వాత భారీ హిట్లుగా నిలిచాయి.
ఆఖరి పోరాటం
ఈ సినిమా దర్శకుడు కే. రాఘవేంద్రరావు, నిర్మాత అశ్వనీదత్. యండమూరి వీరేంద్రనాథ్ నవల ఆధారంగా తెరకెక్కిన ఈ కథను మొదట చిరంజీవితో తీయాలనుకున్నారు. అయితే ఆయనకు డేట్లు అందుబాటులో లేకపోవడంతో నాగార్జున హీరోగా ఈ ప్రాజెక్ట్‌ను ముందుకు తీసుకెళ్లారు. సినిమా సూపర్ హిట్ అయ్యి, నాగార్జున కెరీర్‌లో మైలురాయిగా నిలిచింది.
మన్నెంలో మొనగాడు
కోడి రామకృష్ణ దర్శకత్వంలో తెరకెక్కిన ఈ సినిమా మ్యూజికల్ హిట్‌గా నిలిచింది. ఈ సినిమాను కూడా చిరంజీవితో చేయాలనుకున్నారు. కానీ ఆయన డేట్స్ ఖాళీ లేకపోవడంతో అర్జున్ ఈ ప్రాజెక్ట్‌లో నటించి ఘనవిజయం సాధించారు.
చంద్రముఖి
రజనీకాంత్ కెరీర్‌లో ఇండస్ట్రీ హిట్‌గా నిలిచిన ఈ సినిమా కథ మొదట చిరంజీవికి వినిపించారని టాలీవుడ్ వర్గాలు చెబుతాయి. కానీ కొన్ని కారణాల వల్ల చిరు ఈ ప్రాజెక్ట్‌ను ఒప్పుకోలేదు. ఆ తర్వాత రజనీకాంత్ నటించగా, ఈ సినిమా సెన్సేషనల్ హిట్ అయ్యి తమిళ, తెలుగు, కన్నడ భాషల్లో రికార్డులు సృష్టించింది.
అసెంబ్లీ రౌడీ
మోహన్ బాబు కెరీర్‌ను మలుపుతిప్పిన సినిమా ఇదే. మొదట చిరంజీవికి కథను వినిపించగా, ఇది రాజకీయ నేపథ్యం కలిగిన సినిమా అని తప్పుకున్నారని టాక్. చివరికి మోహన్ బాబు ఈ సినిమాలో నటించగా, అది ఆయన కెరీర్‌లో బిగ్గెస్ట్ హిట్ అయ్యింది.
సాహసవీరుడు సాగరకన్య
వెంకటేష్, శిల్పాశెట్టి జంటగా తెరకెక్కిన ఈ సినిమాను మొదట చిరంజీవితో చేయాలని దర్శకుడు కే. రాఘవేంద్రరావు భావించారు. కానీ చివరికి వెంకటేష్ చేసిన ఈ సినిమా టాప్ గ్రాస్ కలెక్షన్లు సాధించి హిట్‌గా నిలిచింది.
టైగర్ నాగేశ్వరరావు
ఇటీవల విడుదలైన రవితేజ సినిమా కథ మొదట చిరంజీవికి వినిపించగా, ఆయనకు ఇది నచ్చకపోవడంతో ఈ ప్రాజెక్ట్‌ను రవితేజకు అప్పగించారు. కానీ విడుదలైన తర్వాత ఈ సినిమా బాక్సాఫీస్ వద్ద పరాజయాన్ని మూటగట్టుకుంది.
Shanmukha Review : డివోషనల్ థ్రిల్లర్‌గా 'షణ్ముఖ' అనేది డివోషనల్ టచ్‌తో కూడిన క్రైమ్ థ్రిల్లర్.సినిమా ఆరంభంలో ఆసక్తికరంగా సాగినా ఆ ఆసక్తిని మొత్తంగా కొనసాగించడంలో దర్శకుడు Read more
అల్లు అర్జున్ మరియు సుకుమార్ కాంబినేషన్ తెలుగు చిత్రసీమలో ఒక ప్రత్యేక స్థానం ఏర్పరచుకుంది ఈ హిట్ జోడీ తన ప్రయాణాన్ని ఆర్య సినిమాతో ప్రారంభించింది తరువాత Read more
గ్లోబల్ స్టార్ రాంచరణ్ 'ఉప్పెన' చిత్రానికి ప్రసిద్ధి చెందిన బుచ్చిబాబు సానతో కలిసి ఓ ప్రాజెక్ట్‌ను రూపొందించబోతున్నట్టు ఇప్పటికే తెలిసిన విషయమే ఈ ప్రాజెక్ట్ పూజా కార్యక్రమాలు Read more
విశాల్ ఆరోగ్యం దృష్ట్యా వస్తున్న రూమర్స్‌కు ఆయన చెలామణి చేశారు. గతంలో అనారోగ్యంతో కష్టపడిన ఆయన ఇప్పుడు పూర్తిగా ఆరోగ్యంగా కనిపిస్తున్నాడు. ఇటీవల జరిగిన విజయ్ ఆంటోనీ Read more