ప్రస్తుతం గుండెపోటు(heart attack)కు కో లెస్ట్రాల్ (Cholesterol)మాత్రమే కారణమని కాదు, అనేక ఇతర అంశాలు కూడా భారీ పాత్ర వహిస్తున్నాయని తాజా పరిశోధనలు (Latest research)సూచిస్తున్నాయి.
గుండెపోటు… ఈ పేరు వింటేనే గుండె గుభేల్ అంటుంది. కొలెస్ట్రాల్ ఒక్కటే దీనికి కారణమని చాలామంది అనుకుంటారు. కానీ, అది నిజం కాదంటోంది కొత్త పరిశోధన. మన రోజువారీ అలవాట్లు, చిన్న చిన్న మార్పులు సైతం గుండె ఆరోగ్యాన్ని కాపాడతాయని నిపుణులు చెబుతున్నారు. మందులు, పరీక్షలతో పనిలేకుండా కేవలం ఐదు నిమిషాల అలవాట్లతో గుండెపోటును ఎలా నివారించవచ్చో తెలుసా?
దైనందిన అలవాట్లు
గుండెపోటు అనేది ఈ రోజుల్లో చాలామందిని కలవరపెడుతోంది. కొలెస్ట్రాల్ ఒక్కటే దీనికి కారణం కాదని, మన దైనందిన అలవాట్లు గుండె ఆరోగ్యంపై గణనీయమైన ప్రభావాన్ని చూపుతాయని కొత్త పరిశోధనలు చెబుతున్నాయి. కేవలం ఐదు నిమిషాల చిన్నపాటి మార్పులు సైతం ఔషధాల కన్నా ప్రభావవంతంగా పని చేస్తాయట. వైద్యులు తరచుగా మందులు, పరీక్షలు సూచిస్తారు. కానీ, మన రోజువారీ అలవాట్లు గుండె ఆరోగ్యాన్ని ఎలా మెరుగుపరుస్తాయో చెప్పరు. చిన్న చిన్న మార్పులు, కేవలం ఐదు నిమిషాల వ్యవధిలో చేసే పనులు మన గుండెకు గొప్ప రక్షణ కవచంలా నిలుస్తాయి. కూర్చున్న చోటు నుంచి లేచి కాళ్ళు, చేతులు సాగదీయడం, శ్వాసపై ధ్యాస పెట్టడం లేదా భోజనం తర్వాత కాసేపు నడవడం లాంటివి చిన్న మార్పులుగా అనిపించినా, వీటి ప్రభావం చాలా పెద్దది.
పది నిమిషాలు నడవడం
భోజనం చేశాక పది నిమిషాలు నడవడం కేవలం జీర్ణక్రియకు మాత్రమే కాదు, శరీరంలో వాపును తగ్గించడంలో, రక్తంలో చక్కెర స్థాయిలను నియంత్రించడంలో సహాయపడుతుంది. ఇది గుండె జబ్బుల ప్రమాదాన్ని గణనీయంగా తగ్గిస్తుంది. అల్పాహారం, భోజనం, రాత్రి భోజనం తర్వాత రోజూ కాసేపు నడవడం ద్వారా మీ గుండెకు గొప్ప రక్షణ కల్పించవచ్చు.
తగినంత నిద్ర లేకపోతే
సరిగా నిద్రపోకపోవడం గుండె జబ్బుల ప్రమాదాన్ని 200% పెంచుతుంది అని తెలిస్తే షాక్ అవ్వడం ఖాయం. నిద్ర కేవలం విశ్రాంతి కాదు, శరీరానికి పూర్తి స్థాయిలో మరమ్మతులు చేసే ప్రక్రియ. తగినంత నిద్ర లేకపోతే ఒత్తిడి నియంత్రణ, రక్తపోటు, వాపు స్థాయిలు దెబ్బతింటాయి. కనీసం 7-8 గంటల నిద్ర గుండె ఆరోగ్యానికి చాలా ముఖ్యం. ఉదయం సూర్యరశ్మి శరీరంలోని సహజ గడియారాన్ని నియంత్రించడంలో సహాయపడుతుంది. గుండెకు అత్యుత్తమ ఔషధం నిద్రే.
హానికరమైన రసాయనాలు
ప్లాస్టిక్ పాత్రలలో ఆహారాన్ని వేడి చేయడం లేదా నిల్వ చేయడం వెంటనే మానేయాలి! ప్లాస్టిక్ నుండి విడుదలయ్యే హానికరమైన రసాయనాలు హార్మోన్లను దెబ్బతీసి, శరీరంలో వాపును పెంచుతాయి. ఇవి రెండూ గుండె జబ్బులకు ప్రధాన కారణాలు. ప్లాస్టిక్ బదులు గాజు, స్టెయిన్లెస్ స్టీల్ పాత్రలు వాడండి. తాగే నీటిని ఎప్పటికప్పుడు ఫిల్టర్ చేసుకోండి.
ఆరోగ్యకరమైన శరీర బరువును కొనసాగించడం గుండెపై భౌతిక ఒత్తిడిని తగ్గిస్తుంది. ఇది గుండె పనితీరును మెరుగుపరుస్తుంది. బరువులో కొద్దిపాటి మార్పు సైతం గుండె ఆరోగ్యానికి గొప్ప ప్రయోజనాన్ని అందిస్తుంది.
Read Also:Health: తలనొప్పి ఎక్కువగా ఉందా.. అయితే ఈ ఆసనాలను ట్రై చేయండి