ప్రపంచవ్యాప్తంగా డయాబెటిస్ కేసులు పెరుగుతున్నాయి. ఒకప్పుడు వృద్ధుల సమస్యగా భావించబడిన మధుమేహం ఇప్పుడు యువతతో పాటు చిన్న పిల్లలను కూడా ప్రభావితం చేస్తోంది. భారతదేశంలోని పిల్లలలో ఈ వ్యాధి వేగంగా పెరుగుతోందని వైద్యులు హెచ్చరిస్తున్నారు. చిన్న వయస్సులోనే ఈ వ్యాధి బారినపడటం అనేక ఆరోగ్య సమస్యలకు దారి తీస్తుంది. దానికి ప్రధాన కారణాలు జీవనశైలి మార్పులు, అసమతుల్య ఆహారం, శారీరక శ్రమ లేకపోవడం. చిన్నప్పటి నుంచే అధిక షుగర్ ఉన్న ఆహారాన్ని తీసుకోవడం, జంక్ ఫుడ్ ఎక్కువగా తినడం వల్ల మధుమేహం వచ్చే అవకాశాలు పెరుగుతున్నాయని వైద్య నిపుణులు హెచ్చరిస్తున్నారు.
పిల్లల్లో డయాబెటిస్ రాకకు కారణాలు
జంక్ ఫుడ్ – అధిక షుగర్
ఈరోజుల్లో పిల్లలు ఇంట్లో వండిన ఆహారాన్ని మినహాయించి, జంక్ ఫుడ్ ఎక్కువగా తినడాన్ని ప్రాధాన్యం ఇస్తున్నారు.
పిజ్జా, బర్గర్, చిప్స్, చాక్లెట్, శీతల పానీయాలు ఎక్కువగా తీసుకోవడం
అధిక షుగర్ ఉండే ప్యాకేజ్డ్ ఫుడ్స్ తినడం
ఈ ఆహార పదార్థాలు ఇన్సులిన్ ప్రభావాన్ని తగ్గించడంతో రక్తంలో చక్కెర స్థాయిలు పెరుగుతాయి.
వ్యాయామం లేకపోవడం
మునుపటిలా పిల్లలు బహిరంగంగా ఆటలు ఆడే పరిస్థితి లేకపోవడం, ఫోన్, టీవీ, వీడియో గేమ్లతో ఎక్కువ సమయం గడపడం కారణంగా శారీరక శ్రమ తగ్గిపోతోంది.
శరీర చురుకుదనం లేకపోవడం వల్ల కొవ్వు పేరుకుపోతుంది.
ఇది ఇన్సులిన్ సక్రమంగా పనిచేయకపోవడానికి దారి తీస్తుంది.
దీని ఫలితంగా మధుమేహం వచ్చే అవకాశాలు పెరుగుతాయి.
ఊబకాయం (Obesity)
అధిక బరువు ఉన్న పిల్లల్లో డయాబెటిస్ వచ్చే అవకాశాలు ఎక్కువగా ఉంటాయి.
శరీరంలో అధిక కొవ్వు పేరుకుపోవడం
ఇన్సులిన్ సక్రమంగా పనిచేయకపోవడం
రక్తంలో చక్కెర స్థాయి పెరగడం
ముఖ్యంగా పొట్ట చుట్టూ కొవ్వు ఎక్కువైతే ప్రమాదం మరింత ఎక్కువ.
కుటుంబంలో మధుమేహ చరిత్ర
తల్లిదండ్రులు లేదా ఇతర కుటుంబసభ్యులకు మధుమేహం ఉంటే, పిల్లలకు కూడా వచ్చే అవకాశాలు పెరుగుతాయి. అయితే, ఇది తప్పనిసరిగా పిల్లలకు వస్తుందని కాదు.సరైన జీవనశైలి, ఆరోగ్యకరమైన ఆహారంతో దీనిని నియంత్రించవచ్చు.
ఒత్తిడి & తక్కువ నిద్ర
చదువు ఒత్తిడి, ఎక్కువ స్క్రీన్ టైమ్, తక్కువ నిద్ర కూడా మధుమేహానికి కారణమవుతుంది. ఒత్తిడి కారణంగా హార్మోన్ల అసమతుల్యత ఏర్పడుతుంది.
ఇది శరీరంలోని జీవక్రియపై ప్రభావం చూపి, మధుమేహం వచ్చే అవకాశాన్ని పెంచుతుంది.
పిల్లలను డయాబెటిస్ నుంచి రక్షించేందుకు తీసుకోవాల్సిన జాగ్రత్తలు
ఆరోగ్యకరమైన ఆహారాన్ని అలవర్చించండి ఇంట్లో తయారుచేసిన తిండిని ప్రోత్సహించండి. బయటి ఫాస్ట్ ఫుడ్ను తగ్గించండి. నిత్యవ్యాయామాన్ని ప్రోత్సహించండి పిల్లలు రోజుకు కనీసం 1-2 గంటలు శారీరక శ్రమ చేయాలి. ఆటలు, వాకింగ్, క్రీడలు చేయించండి. తీపి పదార్థాలు తగ్గించండి అధిక షుగర్ ఉన్న ఆహారాలను నియంత్రించండి. శీతల పానీయాల అలవాటును తగ్గించండి. నిద్ర & స్క్రీన్ సమయాన్ని పరిమితం చేయండి పిల్లలకు తగినంత నిద్ర అందేలా చూడండి. ఫోన్, టీవీ స్క్రీన్ టైమ్ను కంట్రోల్ చేయండి.
కుటుంబంలో మధుమేహ చరిత్ర ఉంటే తగిన జాగ్రత్తలు తీసుకోండి.
రెగ్యులర్ ఆరోగ్య పరీక్షలు చేయించుకోండి. చిన్నప్పటి నుంచే ఆరోగ్యకరమైన జీవనశైలిని అలవర్చండి.
తల్లిదండ్రుల కాస్త శ్రద్ధ, జాగ్రత్తలు పిల్లలను డయాబెటిస్ నుంచి రక్షించవచ్చు. ఆరోగ్యకరమైన అలవాట్లతో పిల్లలను పెంచితే, వారికీ మంచి భవిష్యత్తు అందించవచ్చు. చిన్న వయస్సులోనే జాగ్రత్తలు తీసుకుంటే, మధుమేహం వంటి వ్యాధుల నుంచి వారిని రక్షించవచ్చు.