ఓట్స్ చీజ్ బాల్స్ (Oats Cheese Balls)అనేవి ఆరోగ్యానికి మేలు (Good for health) చేసే ఓట్స్తో, పిల్లలకి చాలా ఇష్టమైన చీజ్ కలిపి చేసిన స్నాక్. ఇవి వేడి వేడిగా తినడానికి చాలా రుచికరంగా ఉంటాయి. ఓట్స్ చీజ్ బాల్స్ (Oats Cheese బాల్స్) ను ఇంట్లో తక్కువ సమయంతో, తక్కువ పదార్థాలతో సులభంగా తయారుచేయవచ్చు. చిరుతిండి కావాలంటే లేదా గెస్ట్లకి చిన్నగా స్టార్టర్గా కూడా వడ్డించవచ్చు.
కావలసిన పదార్థాలు
ఆలుగడ్డలు: రెండు, చీజ్ తురుము: రెండు టేబుల్ స్పూన్లు, మసాలా ఓట్స్: అర కప్పు, మైదా: రెండు టేబుల్ స్పూన్లు, కార్న్ఫ్లోర్: పావుకప్పు, మిరియాల పొడి: అర టీస్పూన్, కారం: ఒక టీస్పూన్, ఉప్పు: తగినంత, నూనె: వేయించడానికి సరిపడా.
తయారీ విధానం
ముందుగా ఆలుగడ్డల్ని ఉడకబెట్టి మెత్తగా మెదపాలి. ఓట్స్ను మిక్సీ జార్లో వేసి బరకగా గ్రైండ్ చేయాలి. ఒక గిన్నెలో మైదా వేసి కొద్దిగా నీళ్లుపోసి జారుగా కలపాలి. మరో గిన్నెలో ఆలూ ముద్ద, కారం, మిరియాల పొడి, ఉప్పు వేసి కలిపి.. తగినంత కార్న్ఫ్లోర్, చీజ్ వేసి ముద్దగా చేసుకుని అరగంటపాటు మిశ్రమాన్ని ఫ్రిజ్లో పెట్టాలి. స్టవ్మీద కడాయి పెట్టి వేయించడానికి సరిపడా నూనెపోసి వేడి చేయాలి. మిశ్రమాన్ని చిన్నచిన్న ఉండలు చేసుకుని మైదా మిశ్రమంలో ముంచి, ఓట్స్లో దొర్లించాలి. ఆ ఉండలను కాగిన నూనెలో వేసి దోరగా కాల్చుకుంటే నోరూరించే ఓట్స్ చీజ్ బాల్స్ (Oats Cheese Balls)సిద్ధం.
జున్ను ఆరోగ్యకరమైనదా లేక జంక్?
జున్ను ప్రోటీన్ మరియు కాల్షియం యొక్క గొప్ప మూలం, కానీ తరచుగా సంతృప్త కొవ్వు మరియు ఉప్పు అధికంగా ఉంటుంది. దీని అర్థం ఎక్కువగా తినడం వల్ల అధిక కొలెస్ట్రాల్ మరియు అధిక రక్తపోటు వస్తుంది, ఇది హృదయ సంబంధ వ్యాధుల ప్రమాదాన్ని పెంచుతుంది.
పిజ్జా ఆరోగ్యానికి మంచిదా?
పిజ్జా, మితంగా తీసుకుంటే, ఆరోగ్యకరమైన ఆహారంలో భాగం కావచ్చు, కానీ అందులోని పదార్థాలు మరియు దానిని ఎంత తరచుగా తీసుకుంటారనే దానిపై శ్రద్ధ వహించడం ముఖ్యం. సాంప్రదాయ పిజ్జాలో కేలరీలు, కొవ్వు మరియు సోడియం అధికంగా ఉండవచ్చు, కానీ దానిని ఆరోగ్యకరంగా మార్చడానికి మార్గాలు ఉన్నాయి.
Read hindi news: hindi.vaartha.com
Read Also: Chapati: రోజు చపాతీలు తింటే ఆరోగ్యానికి మంచిదేనా?