అరికెలు (Kodo Millet) సాధారణ ధాన్యాలలో ఒకటి అయినప్పటికీ, దీనిలో దాగి ఉన్న అపారమైన పోషక విలువలు మహిళల ఆరోగ్యానికి, ముఖ్యంగా మెనోపాజ్ దశలో ఎదుర్కొనే అనేక సమస్యలకు చెక్ పెడతాయని నిపుణులు సూచిస్తున్నారు. అరికెల్లో అత్యంత ముఖ్యమైన పోషకాలు ఐరన్, క్యాల్షియం, విటమిన్ బి1, మరియు విటమిన్ బి3 పుష్కలంగా లభిస్తాయి.
రక్త చక్కెర, కొలెస్ట్రాల్ నియంత్రణ
అరికెలను(Kodo Millet) ఆహారంలో భాగంగా చేసుకోవడం వల్ల శరీరానికి అనేక ఆరోగ్య ప్రయోజనాలు కలుగుతాయి. ఇవి రక్తంలో చక్కెర స్థాయిలను అదుపులో ఉంచడానికి సహాయపడతాయి. అదేవిధంగా, శరీరంలో పేరుకుపోయిన కొలెస్ట్రాల్ను తగ్గించడంలో కూడా అరికెలు ముఖ్య పాత్ర పోషిస్తాయి. ఈ ధాన్యం గుండె సమస్యలు మరియు రక్తపోటు (Blood Pressure) వంటి దీర్ఘకాలిక వ్యాధులను దూరం చేయడానికి తోడ్పడుతుంది.
క్యాన్సర్ నివారణ, యాంటీ-డయాబెటిక్ ప్రభావం
అరికెల్లో సహజంగా ఉండే ఫైటో కెమికల్స్ (Phytochemicals) అనే శక్తివంతమైన సమ్మేళనాలు క్యాన్సర్లను అడ్డుకునే గుణాన్ని కలిగి ఉంటాయి. అంతేకాకుండా, ఈ అరికెల్లో ఉండే ఫెర్యూలిక్ (Ferulic), హైడ్రాక్సీ బెంజాయిక్ (Hydroxy Benzoic), మరియు వెనిలిక్ యాసిడ్ (Vanillic Acid) వంటి యాసిడ్లు యాంటీ డయాబెటిక్గా పనిచేస్తాయి. అంటే, మధుమేహాన్ని నియంత్రించడంలో లేదా నివారించడంలో ఇవి చాలా ఉపయోగపడతాయి.
Read hindi news: hindi.vaartha.com
Epaper: epaper.vaartha.com/
Read Also:
