కొంతమందికి చిన్న వయస్సులోనే జుట్టు తగ్గిపోవడం, బట్టతల సమస్య ఎదురవడం ఆందోళన కలిగిస్తుంది. ముఖ్యంగా పురుషులలో బట్టతల వచ్చే ప్రధాన కారణం జన్యువులు అని శాస్త్రవేత్తలు చెప్తున్నారు. కానీ, దీని వెనుక మరికొన్ని కారణాలు కూడా ఉన్నాయి.
బట్టతలకు జన్యువుల ప్రమేయం
శాస్త్రీయంగా ఆండ్రోజెనెటిక్ అలోపేసియా అని పిలువబడే బట్టతల ప్రధానంగా వంశపారంపర్య లక్షణం. అంటే, కుటుంబంలో తాతలు, తండ్రి, ముత్తాతలు బట్టతల సమస్యను ఎదుర్కొంటే, అది సంతతికి వచ్చే అవకాశం ఉంది.జుట్టు పెరుగుదల హార్మోన్ల ద్వారా నియంత్రించబడుతుంది. ఆండ్రోజెన్ అనే హార్మోన్ అధిక స్థాయిలో ఉండడం వల్ల జుట్టు కుదుళ్లు బలహీనపడి, జుట్టు రాలడం ప్రారంభమవుతుంది.బట్టతల కోసం ఒకే జన్యువు బాధ్యత వహించదు. తల్లిదండ్రులిద్దరి జన్యువుల కలయిక దీనిని ప్రభావితం చేస్తుంది. కాబట్టి, మీ తండ్రికి బట్టతల లేకపోయినా, తల్లి వైపు బంధువులలో ఉన్నా, మీకు ఈ సమస్య వచ్చే అవకాశం ఉంది.
బట్టతలకు కారణం
హార్మోన్ల అసమతుల్యత – ఆండ్రోజెన్ అధికంగా ఉన్నప్పుడు జుట్టు రాలే అవకాశం ఎక్కువ.వయస్సు ప్రభావం వృద్ధాప్యంలో జుట్టు కుదుళ్లు బలహీనమై జుట్టు తగ్గుతుంది.పోషకాహార లోపం – ఐరన్, ప్రోటీన్లు, విటమిన్ డి, బయోటిన్ లాంటి పోషకాలు తక్కువగా ఉంటే జుట్టు ఆరోగ్యంపై ప్రభావం పడుతుంది.అత్యధిక ఒత్తిడి – దీర్ఘకాలిక ఒత్తిడి కారణంగా హెయిర్ ఫాల్ సమస్య పెరుగుతుంది.వైద్య కారణాలు – థైరాయిడ్ సమస్యలు, రక్తహీనత, చర్మ వ్యాధులు కూడా జుట్టు రాలడానికి దారితీస్తాయి.మందుల ప్రభావం – కొన్ని రకాల మందులు, ముఖ్యంగా క్యాన్సర్ కోసం తీసుకునే కీమోథెరపీ చికిత్స వల్ల జుట్టు పూర్తిగా ఊడిపోతుంది.
చిట్కాలు
సహజ పోషకాహారం – విటమిన్లు, ప్రోటీన్లు, మినరల్స్ అధికంగా ఉండే ఆహారాన్ని తీసుకోవాలి.జుట్టు సంరక్షణ మికల్స్ ఉన్న షాంపూలను తగ్గించి, నేచురల్ ఆయిల్స్, హేర్ మాస్క్లను వాడాలి.ఒత్తిడిని తగ్గించుకోవడం – ధ్యానం, యోగా, వ్యాయామం ద్వారా మానసిక ప్రశాంతతను పొందాలి.తగినంత నిద్ర – నిద్రలేమి కూడా జుట్టు రాలడానికి కారణమవుతుంది. కనీసం 7-8 గంటలు నిద్రపోవడం మేలు.వైద్య సలహా తీసుకోవడం – హెయిర్ ఫాల్ తీవ్రంగా ఉంటే ట్రైకలాజిస్ట్ లేదా డెర్మటోలాజిస్ట్ ని సంప్రదించి చికిత్స తీసుకోవాలి.
ఆత్మవిశ్వాసం
జుట్టు రాలడాన్ని అడ్డుకోవడానికి ఎన్నో మార్గాలు ఉన్నప్పటికీ, మన ఆత్మవిశ్వాసమే అసలైన అందం. జుట్టు ఉన్నా లేకపోయినా, మన వ్యక్తిత్వమే మనకెప్పుడూ ముఖ్యమైనది. కాబట్టి, మంచి ఆరోగ్యాన్ని పాటిస్తూ, ఆత్మవిశ్వాసంతో ముందుకు సాగడం అవసరం.
రసాయనిక ఉత్పత్తుల వాడకం
అధికంగా హేర్ డై, స్ట్రైటెనింగ్, కేరటిన్ ట్రీట్మెంట్, హీట్ స్టైలింగ్ వాడటం వల్ల జుట్టు బలహీనమై రాలిపోతుంది.అధికంగా సల్ఫేట్లు, పారాబెన్లు ఉన్న షాంపూలు ఉపయోగించడం వల్ల జుట్టు నాణ్యత తగ్గుతుంది.