ఆంధ్రప్రదేశ్ రాజధాని అమరావతి పునర్నిర్మాణానికి కొత్త శకం ప్రారంభం అయింది. ముఖ్యమంత్రి నారా చంద్రబాబు నాయుడు నాయకత్వంలో, ప్రధాని నరేంద్ర మోదీ సమక్షంలో ఈ అభివృద్ధి కార్యక్రమాలకు లాంఛనంగా శ్రీకారం చుట్టనున్నారు. ఈ కార్యక్రమం రాష్ట్ర అభివృద్ధికి ఒక మైలురాయిగా నిలవబోతోంది.
గర్వంగా నిలిచే రోజు: సీఎం చంద్రబాబు ప్రకటన
ఈ సందర్భంగా ముఖ్యమంత్రి చంద్రబాబు నాయుడు “ఇది ఆంధ్రప్రదేశ్ ప్రజలకు గర్వకారణమైన, ముఖ్యమైన రోజు” అని పేర్కొన్నారు. ఎక్స్ (ట్విట్టర్) వేదికగా ప్రధాని మోదీకి స్వాగతం పలుకుతూ, ఆయన ఇలా ట్వీట్ చేశారు. గౌరవనీయులైన ప్రధాని నరేంద్ర మోదీ మన ప్రజల రాజధాని అభివృద్ధిని తిరిగి ప్రారంభించేందుకు అమరావతికి వస్తున్నారు. అమరావతి మన ఉమ్మడి ఆశలు, కలలకు చిహ్నంగా నిలుస్తుంది. ఈ పునఃప్రారంభం మన రాష్ట్ర వృద్ధిలో కొత్త అధ్యాయానికి నాంది పలుకుతుంది.
ప్రధాని మోదీ పర్యటన
అమరావతిని ప్రపంచస్థాయి రాజధానిగా తీర్చిదిద్దే దిశగా తొలిసారిగా 2015లో చంద్రబాబు ప్రభుత్వం ఘనంగా పునాదిప్రకటన కార్యక్రమం చేపట్టింది. అయినప్పటికీ, తరువాతి పాలనలో అమరావతి పనులు నిలిచిపోయాయి. దాదాపు ఐదేళ్ల విరామానంతరం ఇప్పుడు ఆ కలలు మళ్లీ ప్రాణం పోసుకుంటున్నాయి. భారీగా పెట్టుబడులు, ప్రపంచ స్థాయి మాస్టర్లతో ప్లాన్ చేసిన అమరావతి నగరం, త్వరలోనే నిర్మాణ చైతన్యంతో మెరిసిపోనుంది. ప్రధాని నరేంద్ర మోదీ ఈ పునఃప్రారంభ కార్యక్రమానికి ముఖ్య అతిథిగా హాజరవుతుండడం రాష్ట్రానికి మద్దతుగా భావించబడుతోంది. కేంద్ర ప్రభుత్వం సహకారంతో అమరావతి మళ్లీ వెలుగుల నగరంగా మారేందుకు కృషి జరుగుతుందన్నది అధికార వర్గాల అభిప్రాయం.
Read also: Tirumala: తిరుమలలో టీటీడీ అదనపు ఈఓ ఆకస్మిక తనిఖీలు
