హైదరాబాద్: దేశవ్యాప్తంగా ఉన్న ఆర్థికంగా వెనుకబడిన, ప్రతిభావంతులైన విద్యార్థులకు కేంద్ర ప్రభుత్వం అందించే నేషనల్ మీన్స్ కమ్ మెరిట్ స్కాలర్షిప్ స్కీమ్(Scholarship Scheme) (NMMSS-2026) దరఖాస్తుకు రేపే (అక్టోబర్ 18) చివరి తేదీ. ప్రస్తుతం 8వ తరగతి చదువుతున్న విద్యార్థులు రేపటిలోగా ఆన్లైన్లో పరీక్ష ఫీజు చెల్లించాల్సి ఉంటుంది. ఈ స్కీమ్ ద్వారా ఎంపికైన విద్యార్థులకు 9వ తరగతి నుంచి ఇంటర్మీడియట్ వరకు ఏటా రూ.12 వేల స్కాలర్షిప్ అందజేస్తారు.
Read Also: Mamata Banerjee : సిలిగురిలో పెద్ద ఆలయాన్ని నిర్మిస్తాం: మమతా బెనర్జీ
దరఖాస్తు ప్రక్రియ, పరీక్ష వివరాలు
ఈ స్కాలర్షిప్కు అర్హత పొందాలంటే విద్యార్థులు రెండు దశల్లో జరిగే రాత పరీక్షలో ఉత్తీర్ణత సాధించాలి. పరీక్షకు సంబంధించిన పూర్తి నోటిఫికేషన్, దరఖాస్తు విధానం మరియు ఇతర వివరాలు అధికారిక వెబ్సైట్లో(Website) అందుబాటులో ఉన్నాయి. అభ్యర్థులు అక్టోబర్ 22వ తేదీలోగా ఆన్లైన్లో అప్లై చేసిన ఫామ్ను సంబంధిత పాఠశాల హెచ్ఎంల ద్వారా జిల్లా విద్యాశాఖాధికారులకు (DEO) పంపించాల్సి ఉంటుంది.
అర్హతలు, ప్రయోజనాలు
ఈ స్కీమ్కు దరఖాస్తు చేసుకోవడానికి విద్యార్థులు 7వ తరగతిలో కనీసం 55 శాతం మార్కులు (ఎస్సీ, ఎస్టీలకు 50 శాతం) సాధించి ఉండాలి. అలాగే, కుటుంబ వార్షికాదాయం రూ. 3.5 లక్షలకు మించకూడదు. ప్రయోజనం ఈ పథకం కింద ఎంపికైన విద్యార్థులకు 9వ తరగతి నుంచి ఇంటర్మీడియట్ వరకు (నాలుగు సంవత్సరాల పాటు) నెలకు రూ.1000 చొప్పున ఏటా రూ.12 వేల ఉపకార వేతనం లభిస్తుంది. ప్రభుత్వ, స్థానిక సంస్థల పాఠశాలలు,(schools) ఎయిడెడ్ పాఠశాలల్లో చదువుతున్న విద్యార్థులు మాత్రమే ఈ స్కీమ్కు అర్హులు.
NMMSS స్కాలర్షిప్కు దరఖాస్తు చేసుకోవడానికి చివరి తేదీ ఎప్పుడు?
అక్టోబర్ 18 (రేపు) చివరి తేదీ.
ఈ స్కాలర్షిప్ ద్వారా ఏటా ఎంత మొత్తం లభిస్తుంది?
ఎంపికైన విద్యార్థులకు 9వ తరగతి నుంచి ఇంటర్ వరకు ఏటా రూ.12,000 లభిస్తుంది.
Read hindi news: hindi.vaartha.com
Epaper: epaper.vaartha.com/
Read Also: