ఏకలవ్య మోడల్ రెసిడెన్షియల్ స్కూల్స్ (EMRS Teacher Jobs 2025) భారీగా ఉద్యోగ నోటిఫికేషన్ విడుదల చేశాయి. టీచింగ్, నాన్ టీచింగ్ విభాగాల్లో కలిపి 7,267 పోస్టులు భర్తీ చేయనున్నట్లు అధికారులు ప్రకటించారు. ఈ ఉద్యోగాలకు అర్హులైన అభ్యర్థులు సెప్టెంబర్ 19, 2025 నుంచి అక్టోబర్ 23, 2025 వరకు ఆన్లైన్లో దరఖాస్తు చేసుకోవచ్చు.
ఖాళీగా ఉన్న పోస్టుల వివరాలు
ఈ నోటిఫికేషన్ కింద పలు విభాగాల్లో నియామకాలు జరగనున్నాయి:
ప్రిన్సిపల్ పోస్టులు – 225.
పీజీటీ పోస్టులు – 1,460.
టీజీటీ పోస్టులు – 3,962.
హాస్టల్ వార్డెన్ (మేల్) – 346.
హాస్టల్ వార్డెన్ (ఫీమేల్) – 289.
జూనియర్ సెక్రటేరియట్ అసిస్టెంట్ (క్లర్క్) – 228.
అకౌంటెంట్ – 61.
స్టాఫ్ నర్స్ (ఫీమేల్) – 550.
ల్యాబ్ అటెండెంట్ – 146.
అర్హతలు ఎలా ఉండాలి?
ఈ పోస్టులకు దరఖాస్తు చేయాలనుకునే వారు పోస్టు ప్రకారం అర్హతలు కలిగి ఉండాలి.
ప్రిన్సిపల్: సంబంధిత విభాగంలో పీజీ, బీఈడీ అర్హత.
పీజీటీ/టీజీటీ: పీజీ/డిగ్రీతో పాటు బీఈడీ అవసరం.
స్టాఫ్ నర్స్: బీఎస్సీ నర్సింగ్ పూర్తి చేసి ఉండాలి.
జూనియర్ సెక్రటేరియట్, అకౌంటెంట్, ల్యాబ్ అటెండెంట్, హాస్టల్ వార్డెన్: డిగ్రీ, ఇంటర్, డిప్లొమా లేదా టెన్త్ అర్హత ఉండాలి.
వయో పరిమితి
ప్రిన్సిపల్ పోస్టులకు – 50 ఏళ్లు.
పీజీటీ పోస్టులకు – 40 ఏళ్లు.
టీజీటీ, హాస్టల్ వార్డెన్, స్టాఫ్ నర్స్ – 35 ఏళ్లు.
అకౌంటెంట్, జూనియర్ సెక్రటేరియట్, ల్యాబ్ అటెండెంట్ – 30 ఏళ్లు.
దరఖాస్తు ఫీజు
ప్రిన్సిపల్ పోస్టు: రూ.2,500.
పీజీటీ, టీజీటీ పోస్టులు: రూ.2,000.
నాన్ టీచింగ్ పోస్టులు: రూ.1,500.
SC, ST, PH, మహిళలకు: రూ.500.
ఎంపిక విధానం
అభ్యర్థుల ఎంపిక రాత పరీక్ష, ఇంటర్వ్యూ ఆధారంగా జరుగుతుంది. తుది ఎంపికైన వారికి పోస్టుల వారీగా జీతభత్యాలు అందిస్తారు.
జీతభత్యాల వివరాలు
ప్రిన్సిపల్: రూ.78,800 – రూ.2,09,200.
పీజీటీ: రూ.47,600 – రూ.1,51,100.
టీజీటీ: రూ.44,900 – రూ.1,42,400.
అకౌంటెంట్: రూ.35,400 – రూ.1,12,400.
ల్యాబ్ అటెండెంట్: రూ.18,000 – రూ.56,900.
హాస్టల్ వార్డెన్, స్టాఫ్ నర్స్: రూ.29,200 – రూ.92,300.
జూనియర్ సెక్రటేరియట్ అసిస్టెంట్: రూ.19,900 – రూ.63,200.
దరఖాస్తు చేసుకోవాల్సిన గడువు
ఈ ఉద్యోగాలకు ఆసక్తి ఉన్న అభ్యర్థులు అక్టోబర్ 23, 2025 లోపు తప్పనిసరిగా దరఖాస్తు పూర్తి చేయాలి. ఆన్లైన్ విధానంలోనే అప్లికేషన్లు స్వీకరించబడతాయి.
Read Also :
