ఆంధ్రప్రదేశ్ రాష్ట్ర ప్రభుత్వం అంగన్వాడీ సేవలను మరింత మెరుగుపరచడానికి కీలక నిర్ణయం తీసుకుంది. మహిళా మరియు శిశు సంక్షేమ శాఖ ఆధ్వర్యంలో, రాష్ట్రవ్యాప్తంగా ఇటీవల పూర్తి స్థాయి కేంద్రాలుగా మారిన అంగన్వాడీ కేంద్రాల్లో సహాయకుల నియామకానికి అనుమతి మంజూరైంది.
4,687 సహాయకుల నియామకానికి పచ్చజెండా
సమీప కాలంలో 4,687 మినీ అంగన్వాడీ కేంద్రాల(Anganwadi centers)ను మెయిన్ (పూర్తిస్థాయి) కేంద్రాలుగా మార్చిన సంగతి తెలిసిందే. ఈ కేంద్రాల్లో సేవలను మరింత సమర్థవంతంగా నిర్వహించేందుకు, ప్రతి కేంద్రానికి ఒక సహాయకురాలిని నియమించేందుకు రాష్ట్ర ప్రభుత్వం ఆమోదం తెలిపింది. ఈ మేరకు 4,687 కొత్త పోస్టులను సృష్టిస్తూ, భర్తీ ప్రక్రియను త్వరలో ప్రారంభించాలని శాఖ అధికారులకు ఆదేశాలు జారీ చేసింది.
నియామక అర్హతలు మరియు ప్రక్రియ
ఈ పోస్టుల భర్తీకి పదో తరగతి విద్యార్హత(Tenth grade qualification)ను ప్రాథమిక అర్హతగా నిర్ణయించే అవకాశముంది. నియామక ప్రక్రియకు సంబంధించిన వివరాలను మహిళా, శిశు సంక్షేమ శాఖ త్వరలో అధికారికంగా ప్రకటించనుంది. ఇందు ద్వారా అర్హత కలిగిన మహిళలకు ఉపాధి అవకాశాలు పెరగనున్నాయి.
మినీ కార్యకర్తలకు పదోన్నతులు, గౌరవ వేతనం పెంపు
ఇక ఇప్పటికే అప్గ్రేడ్ అయిన కేంద్రాల్లో పనిచేస్తున్న మినీ అంగన్వాడీ కార్యకర్తలకు ప్రభుత్వం గొప్ప శుభవార్త అందించింది. పదో తరగతి ఉత్తీర్ణత కలిగిన 4,687 మంది మినీ కార్యకర్తలను మెయిన్ అంగన్వాడీ కార్యకర్తలుగా గుర్తించి, వారి నెలవారీ గౌరవ వేతనాన్ని రూ.11,500కు పెంచింది. ఇది వారు చేసే సేవలకు గుర్తింపుగా మారుతుందని అధికారులు అభిప్రాయపడుతున్నారు.
Read hindi news: hindi.vaartha.com
Read also: