వానాకాలం సాగు సమీపిస్తున్న నేపథ్యంలో, తెలంగాణ, ఆంధ్రప్రదేశ్ రాష్ట్రాల్లో విత్తన కంపెనీలు పెద్ద ఎత్తున మోసాలకు పాల్పడుతున్నాయన్న ఆరోపణలు వెలుగులోకి వస్తున్నాయి. రైతుల పేర్లను ఉపయోగిస్తూ, వాస్తవానికి తాము చేసిన విత్తన ఉత్పత్తులను రైతుల నుండే తయారయ్యినట్లుగా చూపి, ఆయా కంపెనీలు భారీగా ఆదాయపు పన్నును ఎగవేస్తున్నట్లు సమాచారం. ఈ మోసాల పరిమాణం దాదాపు రూ.వెయ్యి కోట్ల వరకు ఉన్నట్లు అంచనా వేయబడింది.విస్తృతమైన వ్యవసాయ భూములు, సౌకర్యవంతమైన రవాణా వ్యవస్థ, అమాయక రైతులు అనే ఈ మూడు అంశాలను విత్తన కంపెనీలు తమ లాభాల కోసమే వాడుకుంటున్నాయి. రైతుల నుండి వ్యవసాయ ఉత్పత్తులు కొని, ఆ ఉత్పత్తుల ఆధారంగా విత్తనాలను తయారు చేస్తున్నట్లు కంపెనీలు చూపుతున్నాయి. ప్రయోగాత్మకంగా కొన్ని ప్రాంతాల్లోనే కాక, రాష్ట్రవ్యాప్తంగా వందలాది విత్తన కంపెనీలు ఈ తరహా కార్యకలాపాలకు పాల్పడుతున్నాయి.విశేషంగా వరంగల్, కరీంనగర్, గుంటూరు, అనంతపురం, ప్రకాశం, చిత్తూరు జిల్లాల్లో ఈ కంపెనీలు పన్ను మినహాయింపు పొందిన రైతుల పేర్లను ఉపయోగించి తాము వ్యవసాయ ఉత్పత్తులు చేశామంటూ తప్పుడు లెక్కలతో ఆదాయపు పన్ను శాఖను మోసం చేస్తున్నాయి. వాస్తవంగా, రైతులకు వారి వ్యవసాయ ఆదాయంపై పన్ను మినహాయింపు ఉన్నా, కంపెనీలకు మాత్రం అది వర్తించదు. అయినా వాటి ఖర్చులను లెజిట్గా చూపించేందుకు తప్పుడు రికార్డులు తయారు చేస్తూ, పన్ను ఎగవేతకు పాల్పడుతున్నాయి.
రైతుల పేర్లతో విత్తన కంపెనీల మోసం: రూ.1,000 కోట్ల పన్ను ఎగవేత
ఉదాహరణకి, ఒక పెద్ద కంపెనీ రైతులు, వ్యాపారుల వద్ద నుంచి రూ.500 కోట్లు నుంచి రూ.1,500 కోట్ల విలువైన పత్తిని కొనుగోలు చేసినట్లు సమాచారం. అయితే ఆదాయపు పన్ను అధికారులు గతంలో చేసిన తనిఖీల్లో ఈ కంపెనీలు రైతుల పేరుతో మోసం చేస్తున్నట్టు గుర్తించారు. అంతేకాకుండా నగదు రూపంలో చెల్లింపులు చేయడం ద్వారా కూడా పన్ను ఎగవేతకు ప్రయత్నిస్తున్నట్లు తెలిసింది. ఈ విధంగా రూ.రెండు లక్షలకుపైగా లావాదేవీలు చేసినా బ్యాంక్ మార్గాల్లో చెల్లింపులు చేయకపోవడం, డీలర్లపై ఒత్తిడి తెచ్చి చెల్లింపులు డబ్బుగా కోరడం వంటి ఘటనలు కూడా చోటుచేసుకుంటున్నాయి.ఈ పరిస్థితులపై ఆదాయపు పన్ను శాఖ చర్యలు తీసుకోవాల్సిన అవసరం ఉంది. రైతుల పేర్లు ఉపయోగించి జరిగే ఈ అక్రమాల వల్ల ప్రభుత్వం ఆదాయానికి నష్టం జరుగుతోంది. అటు నిజమైన రైతులు కూడా నేరుగా ఎటువంటి లాభం పొందకుండానే మోసానికి బలవుతున్నారు. విత్తన కంపెనీల లావాదేవీలపై సమగ్ర దర్యాప్తుతో పాటు, ఈ రకమైన మోసాలను అడ్డుకునేందుకు కఠిన చర్యలు అవసరమవుతున్నాయి.
Read more :Rahul Gandhi : రాహుల్ గాంధీ అమెరికా పర్యటన ఖరారు
