Banks: సెప్టెంబర్ 2025 నుంచి దేశవ్యాప్తంగా పలు ఆర్థిక,(Finance) వాణిజ్య రంగాలకు సంబంధించిన కొత్త నిబంధనలు అమల్లోకి రానున్నాయి. ఇవి గృహ ఖర్చులు, బ్యాంకింగ్ సేవలు, పెట్టుబడులు, రోజువారీ అవసరాలపై ప్రత్యక్ష ప్రభావం చూపనున్నాయి. ముఖ్యంగా వెండి కొనుగోళ్లపై హాల్మార్కింగ్ తప్పనిసరి అవ్వడం, SBI క్రెడిట్ కార్డులపై కొత్త ఛార్జీలు, LPG ధరల సవరణ వంటి మార్పులు వినియోగదారులను ఎక్కువగా ప్రభావితం చేయనున్నాయి. ఈ మార్పులను ముందుగానే తెలుసుకోవడం వల్ల బడ్జెట్ ప్లాన్ చేసుకోవడంలో సులభతరం అవుతుంది.
వెండిపై హాల్మార్కింగ్ తప్పనిసరి
ఇప్పటి వరకు బంగారంపై మాత్రమే హాల్మార్కింగ్ అమల్లో ఉండేది. కానీ సెప్టెంబర్ 1 నుంచి వెండిపై కూడా ఇది తప్పనిసరి కానుంది. అంటే ఇకపై వెండి ఆభరణాలు, వస్తువులు అన్నీ హాల్మార్క్ ముద్రతోనే లభిస్తాయి. దీంతో వినియోగదారులకు నాణ్యమైన, నమ్మదగిన ఉత్పత్తులు అందుతాయి. అయితే ఈ నిర్ణయం వల్ల వెండి ధరల్లో కొన్ని మార్పులు చోటుచేసుకోవచ్చని నిపుణులు చెబుతున్నారు. పెట్టుబడి ప్రయోజనాల కోసం వెండిని కొనాలనుకునేవారు ధరలపై ప్రత్యేక దృష్టి పెట్టాలి. అలాగే దేశంలోనే అతిపెద్ద బ్యాంక్ అయిన SBI తన క్రెడిట్ కార్డుదారులకు కొత్త ఛార్జీలను అమలు చేయనుంది. ఆటో-డెబిట్ విఫలమైతే 2% జరిమానా విధించనుంది. అదేవిధంగా పెట్రోల్ బంకులు, అంతర్జాతీయ లావాదేవీలు, కార్డు ద్వారా జరిగే చెల్లింపులపై అదనపు ఛార్జీలు ఉండబోతున్నాయి. ఆన్లైన్ షాపింగ్లో రివార్డ్ పాయింట్ల విలువ తగ్గవచ్చని సమాచారం. దీనివల్ల క్రెడిట్ కార్డుల వాడకం మునుపటిలా లాభదాయకం కాకపోవచ్చు.
ఇక LPG సిలిండర్ల ధరలు ప్రతి నెలా 1న మారేలా ఉంటాయి. సెప్టెంబర్ 1న కొత్త ధరలు ప్రకటించబడతాయి. చమురు ధరలు, రూపాయి విలువ, అంతర్జాతీయ మార్కెట్(International market) పరిస్థితుల ఆధారంగా ధరలు పెరగవచ్చు లేదా తగ్గవచ్చు. అదనంగా ATMల నుండి నిర్ణీత పరిమితికి మించి నగదు ఉపసంహరణపై కొత్త ఛార్జీలు విధించనున్నారు. అలాగే బ్యాంకులు స్థిర డిపాజిట్ వడ్డీ రేట్లను పునర్విమర్శించనున్నాయి. ప్రస్తుతం 6.5% నుంచి 7.5% వరకు వడ్డీ అందిస్తున్నా, రాబోయే నెలల్లో తగ్గే అవకాశముందని అంచనా. కాబట్టి FD చేయాలనుకునే వారికి ఇది సరైన సమయం కావచ్చు.
సెప్టెంబర్ 2025 నుంచి ఏ మార్పులు అమల్లోకి వస్తాయి?
వెండిపై హాల్మార్కింగ్ తప్పనిసరి, SBI క్రెడిట్ కార్డులపై కొత్త ఛార్జీలు, LPG ధరల్లో మార్పులు, ATM ఉపసంహరణ రుసుములు, FD వడ్డీ రేట్ల సమీక్ష వంటి మార్పులు అమల్లోకి వస్తాయి.
SBI క్రెడిట్ కార్డ్ హోల్డర్లపై ఎలాంటి కొత్త ఛార్జీలు ఉంటాయి?
ఆటో-డెబిట్ విఫలమైతే 2% జరిమానా, పెట్రోల్ పంపులలో మరియు అంతర్జాతీయ లావాదేవీలపై అదనపు ఛార్జీలు, రివార్డ్ పాయింట్ల విలువ తగ్గడం వంటి మార్పులు ఉంటాయి.
READ HINDI NEWS : hindi.vaartha.com
READ ALSO :