భారతదేశంలో ఆదాయపు పన్ను విధానంలో కీలక మార్పులు జరగనున్నాయి. కేంద్ర ఆదాయపు పన్ను శాఖ ఈ ఏడాది మార్చి తొలి వారంలో కొత్త ఆదాయపు పన్ను నియమాలు (Income Tax Rules 2026) మరియు పన్ను ఫారాలను విడుదల చేయడానికి సిద్ధమవుతోంది. ఇది 60 ఏళ్లుగా అమల్లో ఉన్న 1961 ఆదాయపు పన్ను చట్టానికి బదులుగా తీసుకువచ్చే కొత్త Income Tax Act, 2025 అమలుకు ముందస్తు అడుగుగా భావిస్తున్నారు. ఈ కొత్త చట్టం 2026 ఏప్రిల్ 1 నుంచి అమల్లోకి రానుంది.
Read Also:Moody Report: భారత్ జీడీపీ వృద్ధి 6.4% అంచన
పన్ను చట్టాలను సులభంగా అర్థమయ్యేలా మార్చడం, భాషను సరళీకృతం చేయడం, డిజిటల్ విధానాలను విస్తరించడం ద్వారా పన్ను చెల్లింపుదారులకు మరింత సౌకర్యవంతమైన వ్యవస్థను అందించడమే ప్రభుత్వ లక్ష్యం. అందుకే కొత్త నియమాలు, ఫారాలను ముందుగానే ప్రకటించి మార్పులకు అలవాటు పడేందుకు సమయం ఇస్తున్నారు. కొత్త చట్టం అమల్లోకి వచ్చిన తర్వాత Assessment Year 2027-28కు సంబంధించిన రిటర్న్లు 2027 జూలైలో ఫైల్ చేయాల్సి ఉంటుంది. అయితే FY 2026-27 నుంచే అడ్వాన్స్ ట్యాక్స్, TDS, ఇతర పన్ను సంబంధిత ప్రక్రియలు కొత్త నియమాల ప్రకారం అమలవుతాయి. ఉద్యోగులకు అందే కార్లు, ఇతర సౌకర్యాలపై విధించే పన్ను విలువలను కూడా తిరిగి నిర్వచించే అవకాశం ఉంది.
మరో ముఖ్యమైన మార్పుగా పన్ను రిటర్న్ ఫైలింగ్ పూర్తిగా టెక్నాలజీ ఆధారితంగా మారనుంది. జీతాలు, వడ్డీ ఆదాయం, డిడక్షన్లు వంటి వివరాలు ఆటోమేటిక్గా ఫారాల్లో ముందే కనిపించేలా కొత్త వ్యవస్థ రూపొందిస్తున్నారు. దీంతో తప్పులు తగ్గి, రిటర్న్ దాఖలు వేగవంతమవుతుంది. డ్రాఫ్ట్ నియమాలపై ప్రజాభిప్రాయ సేకరణ కూడా కొనసాగుతోంది. ఫిబ్రవరి 22, 2026 వరకు నిపుణులు, పన్ను సలహాదారులు, సాధారణ పన్ను చెల్లింపుదారుల నుంచి సూచనలు స్వీకరిస్తున్నారు. వచ్చిన సూచనలను పరిశీలించి తుది నియమాలను ప్రకటిస్తారు. ప్రస్తుతం ఉన్న ఆదాయపు పన్ను ఫారాలు FY 2025-26 వరకు యథావిధిగా కొనసాగుతాయి. కొత్త చట్టం అమలుతో క్రమంగా కొత్త ఫారాలు పూర్తిస్థాయిలో వినియోగంలోకి వస్తాయి.
Read hindi news: hindi.vaartha.com
Epaper : epaper.vaartha.com
Read Also: