దేశీయ స్టాక్ మార్కెట్లు(Stock Market) ఈరోజు లాభాలతో ముగిశాయి. రోజంతా తీవ్ర ఒడిదొడుకులకు లోనైన సూచీలు, ట్రేడింగ్ చివరి గంటలో అనూహ్యంగా పుంజుకున్నాయి. ముఖ్యంగా బ్యాంకింగ్ షేర్ల(Banking Shares)లో వెల్లువెత్తిన కొనుగోళ్లు మార్కెట్లకు అండగా నిలిచాయి. అంతర్జాతీయం(International)గా బలహీన సంకేతాలు ఉన్నప్పటికీ, సూచీలు లాభాల్లో ముగియడం గమనార్హం. సెన్సెక్స్(Sensex) 270 పాయింట్ల లాభంతో 83,712 వద్ద స్థిరపడింది. మరోవైపు, నిఫ్టీ 61 పాయింట్లు పెరిగి 25,522 వద్ద ముగిసింది.
అమెరికా టారిఫ్ విధానాలపై నెలకొన్న అనిశ్చితి
భారత్తో వాణిజ్య ఒప్పందంపై స్పష్టత లేకపోవడంతో మదుపర్లు రోజంతా అప్రమత్తంగా వ్యవహరించారు. అయితే, చివరి అరగంటలో హెచ్డీఎఫ్సీ బ్యాంక్, కోటక్ మహీంద్రా బ్యాంక్, ఐసీఐసీఐ బ్యాంక్ వంటి ప్రధాన షేర్లలో కొనుగోళ్లు పెరగడంతో సూచీలు లాభాల బాట పట్టాయి. సెన్సెక్స్ 30 సూచీలో కోటక్ మహీంద్రా బ్యాంక్తో పాటు ఏషియన్ పెయింట్స్, ఎటర్నల్, ఎన్టీపీసీ, బీఈఎల్ షేర్లు రాణించాయి. మరోవైపు, టైటాన్, ట్రెంట్, యాక్సిస్ బ్యాంక్, మారుతీ సుజుకీ, హిందుస్థాన్ యూనిలీవర్ నష్టాలను చవిచూశాయి. డాలరుతో పోలిస్తే రూపాయి మారకం విలువ 85.71 వద్ద కొనసాగుతోంది. అంతర్జాతీయ మార్కెట్లో బ్రెంట్ క్రూడ్ ఆయిల్ బ్యారెల్ ధర 69.37 డాలర్లుగా ఉండగా, ఔన్స్ బంగారం ధర 3,333 డాలర్ల వద్ద ట్రేడ్ అవుతోంది .
షేర్ మార్కెట్ యొక్క 4 రకాలు ఏమిటి?
స్టాక్ పరంగా, మార్కెట్లో నాలుగు ప్రధాన రకాల స్టాక్లు ఉన్నాయి: సాధారణ స్టాక్, ఇష్టపడే స్టాక్, వృద్ధి స్టాక్ మరియు విలువ స్టాక్.
నిఫ్టీ మరియు సెన్సెక్స్ అంటే ఏమిటి?
సెన్సెక్స్ మరియు నిఫ్టీ అనేవి స్టాక్ మార్కెట్ సూచికలు. సెన్సెక్స్, 'స్టాక్ ఎక్స్ఛేంజ్ సెన్సిటివ్ ఇండెక్స్' కు సంక్షిప్త రూపం, బాంబే స్టాక్ ఎక్స్ఛేంజ్ (BSE) యొక్క స్టాక్ మార్కెట్ సూచిక. మరోవైపు, 'నేషనల్ స్టాక్ ఎక్స్ఛేంజ్ ఫిఫ్టీ' ని సూచించే నిఫ్టీ, నేషనల్ స్టాక్ ఎక్స్ఛేంజ్ యొక్క సూచిక.
Read hindi news: hindi.vaartha.com
Read Also: Rahul: ట్రంప్కు మోదీ అడుగులకు మడుగులొత్తుతారు: రాహుల్ గాంధీ