దేశం(India)లోని అతిపెద్ద ప్రభుత్వ రంగ బ్యాంకు స్టేట్ బ్యాంక్ ఆఫ్ ఇండియా (ఎస్బీఐ)(SBI) ప్రస్తుత ఆర్థిక సంవత్సరం తొలి త్రైమాసికంలో అద్భుతమైన ఆర్థిక ఫలితాలను ప్రకటించింది. 2025-26 ఆర్థిక సంవత్సరం ఏప్రిల్-జూన్ త్రైమాసికానికి గాను రూ. 19,160 కోట్ల నికర లాభాన్ని ఆర్జించినట్టు శుక్రవారం వెల్లడించింది. గతేడాది ఇదే సమయంతో పోలిస్తే ఇది 12.5 శాతం అధికం. గత ఆర్థిక సంవత్సరం ఇదే త్రైమాసికంలో బ్యాంకు నికర లాభం రూ. 17,035 కోట్లుగా ఉంది. బ్యాంకు నిర్వహణ లాభం కూడా గణనీయంగా పెరిగింది. గతేడాదితో పోలిస్తే 15.49 శాతం వృద్ధితో రూ. 30,544 కోట్లకు చేరినట్టు ఎస్బీఐ తెలిపింది. అయితే, రుణాలపై వచ్చే వడ్డీకి, డిపాజిట్లపై చెల్లించే వడ్డీకి మధ్య వ్యత్యాసమైన నికర వడ్డీ ఆదాయం (ఎన్ఐఐ) మాత్రం దాదాపు స్థిరంగా రూ. 41,072.4 కోట్ల వద్ద నిలిచింది.
బ్యాంకు స్థూల నిరర్థక ఆస్తులు
ఈ త్రైమాసికంలో ఎస్బీఐ ఆస్తుల నాణ్యత మరింత మెరుగుపడటం విశేషం. బ్యాంకు స్థూల నిరర్థక ఆస్తులు (గ్రాస్ ఎన్పీఏలు) 1.83 శాతానికి తగ్గగా, నికర నిరర్థక ఆస్తులు (నెట్ ఎన్పీఏలు) 0.47 శాతానికి పరిమితమయ్యాయి. మంచి రుణాలు మొండి బకాయిలుగా మారే రేటును సూచించే స్లిప్పేజ్ రేషియో కూడా 0.75 శాతానికి తగ్గింది. ఇది బ్యాంకు ఆర్థిక పటిష్ఠతకు సంకేతంగా నిలుస్తోంది.
రుణాల్లోనూ బ్యాంకు బలమైన వృద్ధి
వివిధ రంగాలకు అందించే రుణాల్లోనూ బ్యాంకు బలమైన వృద్ధిని నమోదు చేసింది. ముఖ్యంగా చిన్న, మధ్య తరహా పరిశ్రమల (ఎస్ఎంఈ)కు ఇచ్చే రుణాలు వార్షిక ప్రాతిపదికన 19.10 శాతం పెరిగాయి. వ్యవసాయ రుణాలు 12.67 శాతం, రిటైల్ రుణాలు 12.56 శాతం చొప్పున వృద్ధి చెందాయి. కార్పొరేట్ రుణాలు 5.7 శాతం పెరిగాయి. మరోవైపు, బ్యాంకు వద్ద కరెంట్, సేవింగ్స్ ఖాతాల్లోని (కాసా) డిపాజిట్లు 8 శాతం పెరిగాయి. బ్యాంకు మొత్తం అడ్వాన్సులు రూ. 42.5 లక్షల కోట్లకు చేరాయి. ఈ ఫలితాల నేపథ్యంలో శుక్రవారం మధ్యాహ్నం బీఎస్ఈలో ఎస్బీఐ షేరు సుమారు రూ. 795.35 వద్ద ట్రేడ్ అయింది.
SBI బ్యాంకు యజమాని ఎవరు?
స్టేట్ బ్యాంక్ ఆఫ్ ఇండియా
జూన్ 2024 నాటికి, భారత ప్రభుత్వం SBIలో దాదాపు 57.54% ఈక్విటీ షేర్లను కలిగి ఉంది. ప్రభుత్వ యాజమాన్యంలోని లైఫ్ ఇన్సూరెన్స్ కార్పొరేషన్ ఆఫ్ ఇండియా, 9.02% వాటాతో కంపెనీలో అతిపెద్ద నాన్-ప్రమోటర్ వాటాదారు.
SBI పాత పేరు ఏమిటి?
ఇంపీరియల్ బ్యాంక్ ఆఫ్ ఇండియా - వికీపీడియా
ఇంపీరియల్ బ్యాంక్ ఆఫ్ ఇండియా (IBI) భారతదేశంలోని పురాతన మరియు అతిపెద్ద వాణిజ్య బ్యాంకులలో ఒకటి, మరియు తరువాత 1955లో స్టేట్ బ్యాంక్ ఆఫ్ ఇండియాగా పేరు మార్చబడింది మరియు జాతీయం చేయబడింది.
Read hindi news: hindi.vaartha.com
Read also: