ప్రెస్టీజ్ ప్రెషర్ కుక్కర్ను ప్రతి ఇంట్లో ఉపయోగించే ఉత్పత్తిగా నిలిపిన టీటీకే (TTK) గ్రూప్ మాజీ ఛైర్మన్, దివంగత టీటీ జగన్నాథన్కు కేంద్ర ప్రభుత్వం మరణానంతరం పద్మశ్రీ పురస్కారాన్ని ప్రకటించింది. వాణిజ్య–పారిశ్రామిక రంగాల్లో ఆయన చేసిన అసాధారణ సేవలకు ఇది గుర్తింపుగా నిలిచింది. గతేడాది అక్టోబర్లో 77 ఏళ్ల వయసులో ఆయన కన్నుమూశారు.
Read Also: Budget 2026: బడ్జెట్పై గిగ్ వర్కర్ల భారీ ఆశలు!
భద్రతా ఆవిష్కరణలతో వంటగదిలో విప్లవం
జగన్నాథన్ను దేశవ్యాప్తంగా “కిచెన్ మోఘల్”గా(Prestige) గౌరవిస్తారు. ప్రెషర్ కుక్కర్లలో భద్రతను పెంచేందుకు ఆయన రూపొందించిన GRS సేఫ్టీ మెకానిజం వంటగదిలో ప్రమాదాలను గణనీయంగా తగ్గించింది. కేవలం కుక్కర్ల తయారీకి పరిమితమైన ప్రెస్టీజ్ను, ఆయన నాయకత్వంలో ఎలక్ట్రికల్ అప్లయన్సెస్ సహా సంపూర్ణ కిచెన్ సొల్యూషన్స్ బ్రాండ్గా విస్తరించారు.
అప్పుల నుంచి లాభాల దిశగా ప్రయాణం
దాదాపు ఐదు దశాబ్దాల పాటు టీటీకే ప్రెస్టీజ్(Prestige) గ్రూప్లో కీలక బాధ్యతలు నిర్వహించిన జగన్నాథన్, అప్పుల్లో ఉన్న సంస్థను లాభాల బాటలో నడిపి అప్పులేని సంస్థగా తీర్చిదిద్దారు. ఆయన పర్యవేక్షణలో ప్రెస్టీజ్ అమెరికా, యూకే వంటి అంతర్జాతీయ మార్కెట్లలోనూ బలంగా నిలిచింది.
విద్య, రచన, వంటగదిలోనే ఆలోచనల ఆరంభం
ఐఐటీ మద్రాస్ నుంచి గోల్డ్ మెడల్ సాధించిన ఆయన, అమెరికాలోని కార్నెల్ యూనివర్సిటీ నుంచి ఆపరేషన్స్లో పీహెచ్డీ పూర్తి చేశారు. వంట చేయడం ఆయనకు ఎంతో ఇష్టం; కొత్త ఆలోచనలు వంటగదిలోనే పుట్టుకొస్తాయని చెప్పేవారు. “డిస్రప్ట్ అండ్ కాంక్వెర్ – హౌ టిటికె ప్రెస్టీజ్ బికేమ్ ఎ బిలియన్ డాలర్ కంపెనీ” అనే ప్రసిద్ధ పుస్తకాన్ని కూడా రచించారు.
Read hindi news: hindi.vaartha.com
Epaper: epaper.vaartha.com
Read Also: