News Telugu: ప్రభుత్వ టెలికాం సంస్థ భారత్ సంచార్ నిగమ్ లిమిటెడ్ (BSNL) వినియోగదారులకు భారీ గిఫ్ట్ ఇచ్చింది. ప్రైవేట్ కంపెనీల పోటీలో వెనుకబడకుండా ఉండేందుకు, కొత్త ఆఫర్లతో ముందుకు వస్తోంది. తాజాగా బీఎస్ఎన్ఎల్ తన ప్రత్యేక ప్లాన్ (BSNL special plan)ను ప్రకటించింది.
ఓటీటీల క్రేజ్ పెరుగుతున్న తరుణం
ప్రస్తుతం ప్రేక్షకుల అభిరుచి మారిపోతోంది. థియేటర్లకు వెళ్లే వారి సంఖ్య తగ్గిపోగా, ఎక్కువమంది ఓటీటీల్లో సినిమాలు, వెబ్ సిరీస్లు, థ్రిల్లర్, క్రైమ్, యాక్షన్, రొమాన్స్ వంటి విభిన్న కంటెంట్ను వీక్షిస్తున్నారు. ఫ్యామిలీ ఆడియన్స్ కోసం వంటల షోలు, ఎంటర్టైన్మెంట్ ప్రోగ్రామ్స్ కూడా విస్తృతంగా అందుబాటులోకి వస్తుండటంతో డిస్నీ హాట్స్టార్, నెట్ఫ్లిక్స్, జీ5, ప్రైమ్ వీడియో, సోనీ లివ్ వంటి ప్లాట్ఫార్మ్లకు విశేషమైన ఆదరణ లభిస్తోంది.
టెలికాం సంస్థల పోటీ
ఈ నేపథ్యంలోనే జియో, ఎయిర్టెల్, వొడాఫోన్ ఐడియా వంటి ప్రైవేట్ టెలికాం సంస్థలు తమ రీఛార్జ్ ప్లాన్లలో భాగంగా ఓటీటీ సబ్స్క్రిప్షన్లను అందిస్తూ వినియోగదారులను ఆకర్షిస్తున్నాయి. అదే సమయంలో ప్రభుత్వ రంగ సంస్థ బీఎస్ఎన్ఎల్ కూడా పోటీలో నిలబడేందుకు కొత్త అడుగులు వేస్తోంది.
బీఎస్ఎన్ఎల్ బీఐటీవీ సర్వీస్ ప్రారంభం
ఈ ఏడాది ఫిబ్రవరిలో బీఎస్ఎన్ఎల్ తన BI TV సర్వీస్ను ప్రారంభించింది. మొదట ఫ్రీ టెస్టింగ్గా అందించిన ఈ సర్వీస్ ద్వారా లైవ్ టీవీ ఛానెల్స్తో పాటు ఓటీటీ కంటెంట్ అందించబడింది. ఇప్పుడు ఈ సర్వీస్ను ప్రత్యేక సబ్స్క్రిప్షన్ ప్లాన్తో అధికారికంగా ప్రవేశపెట్టింది.
రూ.151 ప్లాన్ ప్రత్యేకతలు
కొత్తగా ప్రవేశపెట్టిన రూ.151 రీఛార్జ్ (Rs.151 recharge) ప్లాన్లో వినియోగదారులకు 25కుపైగా ఓటీటీ సబ్స్క్రిప్షన్లు లభించనున్నాయి. అదనంగా 450కుపైగా లైవ్ టీవీ ఛానెల్స్ కూడా అందించబడుతున్నాయి. సోనీ లివ్, సన్ నెక్ట్స్, జీ5, ఈటీవీ విన్, ఆహా, ఫ్యాన్ కోడ్, డిస్కవరీ ఇలా పాపులర్ ప్లాట్ఫార్మ్లు ఈ ప్లాన్లో భాగమవుతున్నాయి.
వ్యాలిడిటీ వివరాలు
ఈ ప్లాన్కు సంబంధించి స్పష్టమైన వ్యాలిడిటీని బీఎస్ఎన్ఎల్ ప్రకటించకపోయినా, 30 రోజుల పాటు మాత్రమే అందుబాటులో ఉండవచ్చని టెలికాం టాక్ రిపోర్ట్ చేస్తోంది. అలాగే రూ.28, రూ.29 ధరలకే మరో రెండు బీఐటీవీ ఓటీటీ ప్లాన్లు కూడా త్వరలో ప్రకటించనుందని సమాచారం.
Read hindi news: hindi.vaartha.com
Read also: