Financial Decision : రూ. 17,000 కోట్లకు పైగా సలహా కింద ఆస్తులు (ఏయుఏ) కలిగిన ప్రముఖ సమగ్ర వ్యక్తిగత ఆర్థిక సలహా సంస్థ 1 ఫైనాన్స్ తమ కీలక నిర్ణయాన్ని వెల్లడించింది. సంస్థ అభివృద్ధిలో భాగమైన అనూజ్ మెహతాను భాగస్వామిగా (పార్ట్‌నర్) నియమిస్తూ పదోన్నతి కల్పించింది. గతంలో వైస్ ప్రెసిడెంట్‌గా పనిచేసిన ఆయన, కెపిఎంజి, క్రెడిట్ సూయిస్ వంటి అంతర్జాతీయ సంస్థల్లో పదేళ్లకు పైగా పనిచేసిన అనుభవం ఉంది. చార్టర్డ్ వెల్త్ మేనేజర్ (సిడబ్ల్యుఎం) అయిన అనూజ్, సంస్థ ప్రాథమిక సిద్ధాంతమైన “మీ ఆసక్తితో ఏకమవ్వడం” ఆధారంగా ఖాతాదారులకు మరింత వ్యక్తిగతీకరించిన మరియు నిష్పక్షపాతమైన ఆర్థిక సలహాలను అందించడంలో కీలక పాత్ర పోషిస్తారు.
Read Also : పెరిగిన బంగారం ధరలు
దక్షిణ భారతదేశంలో సంస్థ విస్తరణపై దృష్టి
ఈ నూతన బాధ్యతల్లో భాగంగా అనూజ్ మెహతా ఫైనాన్షియల్ ప్లానింగ్ సెంటర్ నెట్‌వర్క్‌ను విస్తరించడం, సలహాదారుల నైపుణ్యాలను పెంపొందించడం మరియు దక్షిణ భారతదేశం అంతటా 1 ఫైనాన్స్ సేవులను బలోపేతం చేయడంపై ప్రత్యేకంగా దృష్టి సారించనున్నారు. ప్రస్తుతం హైదరాబాద్‌లోని 1 ఫైనాన్స్ ఫైనాన్షియల్ ప్లానింగ్ సెంటర్ అధిపతిగా వ్యవహరిస్తున్న ఆయన, సంస్థను ఉన్నత స్థాయికి తీసుకెళ్లడంలో భాగస్వామ్యం కావడం ఎంతో గర్వంగా ఉందని తెలిపారు. వినియోగదారుల ఆర్థిక అవసరాలకు అనుగుణంగా అత్యుత్తమ ప్లానింగ్ సేవలు అందించడమే తమ ప్రధాన లక్ష్యమని ఈ సందర్భంగా సంస్థ ప్రతినిధులు పేర్కొన్నారు.
Read Also hindi news: hindi.vaartha.com
Read Also Epaper : epaper.vaartha.com
Read Also :