నేటి డిజిటల్ యుగంలో స్మార్ట్ఫోన్ ఉంటే ప్రపంచమే అరచేతిలో ఉన్నట్లు. సామాన్యుడి ఆర్థిక అవసరాలను మరింత సులభతరం చేసే దిశగా రిలయన్స్ గ్రూప్ మరో భారీ అడుగు వేసింది. “భారత్ కోసం నిర్మించిన ఇంటెలిజెంట్ ఫైనాన్స్” అనే నినాదంతో జియో ఫైనాన్షియల్ సర్వీసెస్ (JFSL) తన సరికొత్త ‘జియో ఫైనాన్స్’ యాప్ను పూర్తి స్థాయిలో అందుబాటులోకి తీసుకువచ్చింది. ఇది కేవలం ఒక యాప్ మాత్రమే కాదని, ప్రతి భారతీయుడికి ఒక వ్యక్తిగత ఆర్థిక సలహాదారు అని సంస్థ పేర్కొంది.
Read Also: Amazon : అమెజాన్ లో ‘ఎలక్ట్రానిక్స్ ప్రీమియర్ లీగ్’ ..ఆఫర్స్ మాములుగా లేవు !!
ఏఐ,మెషిన్ లెర్నింగ్తో ఆధునిక రూపం
రిలయన్స్ ఇండస్ట్రీస్ అనుబంధ సంస్థ అయిన జియో ఫైనాన్షియల్ సర్వీసెస్, తన పాత వెర్షన్ యాప్ను పూర్తిగా ఆధునికీకరించింది. ఇందులో లేటెస్ట్ ఆర్టిఫిషియల్ ఇంటెలిజెన్స్ (AI), మెషిన్ లెర్నింగ్ సామర్థ్యాలను జోడించింది. దీనివల్ల వినియోగదారులకు మరింత వేగవంతమైన, సురక్షితమైన మరియు స్మార్ట్ ఫైనాన్షియల్ సేవలు అందుతాయి. కోట్లాది మంది భారతీయులకు ఆర్థిక చేరువను పెంచడమే ఈ యాప్ ప్రధాన ఉద్దేశ్యం.
ఈ యాప్ సాధారణ ఫైనాన్స్ యాప్స్ కంటే భిన్నాంగా ఉంటుంది. ఇందులో ఉండే ఏఐ టెక్నాలజీ వినియోగదారుల ఆర్థిక అలవాట్లను విశ్లేషించి వారికి తనిగి సలహాలు ఇస్తుంది. ఒక వ్యక్తిగత ఫైనాన్షియల్ ఆఫీసర్గా, యూజర్లు తమ ఖర్చులు, పొదుపు, పెట్టుబడులను ఎలా మెరుగుపరుచుకోవాలో సూచిస్తుంది.
ఫిజికల్ డెబిట్ కార్డు పొందే సదుపాయం
జియో పేమెంట్స్ బ్యాంక్ ద్వారా ఎటువంటి పేపర్ వర్క్ లేకుండా, కేవలం బయోమెట్రిక్ వెరిఫికేషన్ ద్వారానే 5 నిమిషాల్లోనే జీరో బ్యాలెన్స్ సేవింగ్స్ ఖాతాను ప్రారంభిచవచ్చు. దీంతో పాటు ఫిజికల్ డెబిట్ కార్డు పొందే సదుపాయం ఉంది. మ్యూచువల్ ఫండ్లపై రుణాలు, ఆస్తిపై రుణాలు, గృహ రుణాలు, సెక్యూరిటీలపై లోన్స్ ఈ యాప్ ద్వారా ఈజీగా పొందవచ్చు.
అత్యవసర ఆర్థిక అవసరాల కోసం ఇది ఒక అద్భుతమైన వేదికగా కంపెనీ తెలిపింది. జియో బ్లాక్ రాక్ భాగస్వామ్యంతో మ్యూచువల్ ఫండ్లలో పెట్టుబడులు పెట్టడం, అలాగే ఆరోగ్య, జీవిత బీమా, వాహన బీమాలకు అతి తక్కువ సమయంలోనే పోల్చి చూసి కొనుగోలు చేసే వెసులుబాటు ఈ యాప్ కల్పిస్తుంది.
Read hindi news: hindi.vaartha.com
Epaper: epaper.vaartha.com
Read Also: