Iran Israel War Impact: పశ్చిమాసియాలో ఇరాన్-ఇజ్రాయెల్ మధ్య కొనసాగుతున్న పోరు అంతర్జాతీయ సరఫరా గొలుసును దెబ్బతీసింది. ముఖ్యంగా ప్రపంచ ఇంధన రవాణాకు అత్యంత కీలకమైన హర్మూజ్ జలసంధి (Strait of Hormuz) గుండా రాకపోకలు స్తంభించిపోవడంతో భారతదేశంలో ఎల్పీజీ (LPG) సంక్షోభం తలెత్తింది.
Read Also: US-Israel vs Iran: ఇరాన్ యుద్ధానికి ముగింపు పలికేలా ట్రంప్ సర్కార్ అడుగులు
పడిపోతున్న గ్యాస్ వినియోగం – గణాంకాలు
భారతదేశం తన వంటగ్యాస్ అవసరాల కోసం సుమారు 60 శాతం దిగుమతులపైనే ఆధారపడుతోంది. యుద్ధం కారణంగా సరఫరా నిలిచిపోవడంతో గ్యాస్ వినియోగంలో భారీ మార్పులు చోటుచేసుకున్నాయి
వార్షిక తగ్గుదల: గత 15 రోజుల్లోనే దేశీయ ఎల్పీజీ వినియోగం గతేడాదితో పోలిస్తే 17.7 శాతం పడిపోయింది.
నెలవారీ పతనం: ఫిబ్రవరి నెలతో పోలిస్తే మార్చిలో ఈ తగ్గుదల ఏకంగా 26.3 శాతంగా నమోదవ్వడం పరిస్థితి తీవ్రతను సూచిస్తోంది.
రెడీ-టు-ఈట్ (Ready-to-Eat) పదార్థాలకు పెరిగిన డిమాండ్
గంటల తరబడి వంట చేసే సంప్రదాయ పద్ధతులకు స్వస్తి చెప్పి, నిమిషాల్లో సిద్ధమయ్యే ‘రెడీ-టు-ఈట్’ (Ready-to-Eat) పదార్థాల వైపు ప్రజలు మొగ్గు చూపుతున్నారు.భారతదేశం తన వంటగ్యాస్ అవసరాల కోసం 60 శాతం దిగుమతులపైనే ఆధారపడుతోంది. ప్రస్తుతం కేంద్ర ప్రభుత్వం గృహ అవసరాలకే ప్రాధాన్యత ఇస్తుండటంతో, హోటళ్లు, రెస్టారెంట్లు వాడే కమర్షియల్ సిలిండర్లపై భారీగా కోత పడింది.
హోటళ్లలో ధరలు పెరగడం, ఇంట్లో గ్యాస్ ఆదా చేసుకోవాలనే ఉద్దేశంతో మధ్యతరగతి కుటుంబాలు ఇప్పుడు ప్యాకేజ్డ్ ఫుడ్ను ఆశ్రయిస్తున్నాయి. ముఖ్యంగా ప్యాకేజ్డ్ పులిహోర, ఉప్మా, బిర్యానీ వంటి ‘హీట్ అండ్ ఈట్’ ఉత్పత్తులకు గిరాకీ ఒక్కసారిగా పెరిగింది. వీటితో పాటు ఆరోగ్యకరమైన మిల్లెట్ (చిరుధాన్యాలు) ఉత్పత్తుల కోసం కూడా వినియోగదారులు క్యూ కడుతున్నారు. ఈ మార్పు కేవలం మెట్రో నగరాలకే పరిమితం కాకుండా, చిన్న పట్టణాల్లోనూ స్పష్టంగా కనిపిస్తోంది.
ఈ అనూహ్య మార్పును ఈ-కామర్స్ సంస్థల గణాంకాలు స్పష్టం చేస్తున్నాయి. ఇన్స్టంట్ నూడుల్స్, ప్యాకేజ్డ్ మీల్స్, స్నాక్స్ విభాగంలో 15 శాతం పైగా వృద్ధి నమోదైందని అమెజాన్ వంటి సంస్థలు పేర్కొంటున్నాయి. పెరుగుతున్న డిమాండ్కు అనుగుణంగా ఆహార తయారీ సంస్థలు తమ ఉత్పత్తిని వేగవంతం చేస్తున్నాయి. యుద్ధం సృష్టించిన ఈ ‘ఇంధన సంక్షోభం’ భారతీయ గృహిణుల వంటగది మేనేజ్మెంట్ను, ప్రజల జీవనశైలిని పూర్తిగా మార్చేస్తోంది.
Read hindi news: hindi.vaartha.com
Epaper : epaper.vaartha.com
Read Also:
