ప్రస్తుతం వర్షాకాలం కావటంతో దేశంలోని పలు విమానయాన సంస్థలు ప్రయాణికులను ఆకట్టుకునే విధంగా ఆఫర్లను ప్రకటిస్తున్నాయి. ఇందులో భాగంగా ఇండిగో (IndiGo) ఎయిర్లైన్స్ కూడా భారీ ‘మాన్సూన్ సేల్’ (Monsoon Sale) ను ప్రకటించి ప్రయాణికులకు గుడ్ న్యూస్ చెప్పింది. ఈ ఆఫర్ జూలై 15 నుండి జూలై 18, 2025 వరకు అందుబాటులో ఉండగా, బుక్ చేసిన టిక్కెట్లపై ప్రయాణ సమయం జూలై 22 నుండి సెప్టెంబర్ 21 మధ్యగా ఉండాలి.
అద్భుతమైన ధరలపై టిక్కెట్లు:
ఈ సేల్లో భాగంగా, ఇండియాలోని వివిధ నగరాల మధ్య ప్రయాణించేందుకు రూ. 1,499 నుండి ప్రారంభమయ్యే డొమెస్టిక్ ఫ్లైట్ టిక్కెట్లు, అంతర్జాతీయ ప్రయాణాలకు రూ. 4,399 నుండి టిక్కెట్లు లభిస్తున్నాయి. ఇది వీలైనంత తక్కువ ధరకే మీకు అవసరమైన గమ్యస్థానానికి చేరుకునే గొప్ప అవకాశం అని ఇండిగో (IndiGo) ప్రకటించింది.
అదనపు సౌకర్యాలపై తగ్గింపు:
ఈ ప్రత్యేక ఆఫర్ కేవలం టిక్కెట్లకే పరిమితం కాకుండా, ప్రయాణికులకు కావలసిన అనేక సౌకర్యాలపై కూడా డిస్కౌంట్లు అందిస్తున్నది. ఇండిగో అనేక ఇతర ఆకర్షణీయమైన ఆఫర్లను కూడా అందించింది. ప్రయాణికులు అదనపు లెగ్రూమ్ మరియు సౌకర్యం కోసం ‘ఇండిగో స్ట్రెచ్’ను రూ. 9,999 నుండి అప్గ్రేడ్ చేసుకోవచ్చు. ఇది సుదీర్ఘ ప్రయాణాలలో ప్రయాణికులకు మరింత సౌకర్యాన్ని అందిస్తుంది.
డొమెస్టిక్ మరియు అంతర్జాతీయ ప్రయాణాలకు ప్రీ-పెయిడ్ అదనపు లగేజీపై 50 శాతం వరకు తగ్గింపు లభిస్తుంది. ఎంపిక చేసిన మార్గాల్లో ‘ఫాస్ట్ ఫార్వర్డ్’ సేవపై 50 శాతం వరకు తగ్గింపును పొందవచ్చు. ప్రయాణికులు తమకు నచ్చిన సీటును రూ. 99 (అదనంగా) నుంచి ఎంచుకునే అవకాశం కూడా ఉంది.
దేశీయ విమానాల్లో అదనపు లెగ్రూమ్ కలిగిన ఎక్స్ఎల్ సీట్లు రూ. 500 (అదనంగా) నుంచి అందుబాటులో ఉన్నాయి. ప్రయాణ ప్రణాళికలలో మార్పులు సంభవించినట్లయితే, ‘జీరో క్యాన్సిలేషన్ ప్లాన్’ను రూ. 299 నుంచి కొనుగోలు చేయవచ్చు, ఇది ప్రయాణికులకు రద్దు ఛార్జీల నుంచి ఉపశమనం కల్పిస్తుంది.
6E Prime & 6E Seat & Eat సేవలు — ఎంపిక చేసిన మార్గాల్లో 30% వరకు తగ్గింపు.
ఎక్కడ బుక్ చేయాలి?
ఈ సేల్లో టిక్కెట్లను బుక్ చేసుకోవాలంటే, మీరు వీలైనవాటిలో ఎంచుకోవచ్చు. ఇండిగో అధికారిక వెబ్సైట్, మొబైల్ యాప్, ఎయిర్పోర్ట్ టిక్కెట్ కౌంటర్లు, ఇండిగో కస్టమర్ కేర్ సెంటర్లు ద్వారా బుక్ చేసుకోవచ్చు.
ఇండిగో లక్ష్యం: అందరికీ ప్రయాణ అవకాశం
ఇండిగో ఈ ఆఫర్ ద్వారా ప్రయాణాన్ని మరింత అందుబాటులోకి తేవాలని, ప్రతి ఒక్కరూ తక్కువ ధరకే మంచి సౌకర్యాలతో ప్రయాణించాలనే ఉద్దేశంతోనే ఈ ‘మాన్సూన్ సేల్’ను ప్రారంభించిందని తెలిపింది. సుదీర్ఘ ప్రయాణాల్లో విశ్రాంతిగా ఉండేందుకు అవసరమైన అన్ని ఎక్స్ట్రా ఫీచర్లను కూడా తగ్గింపు ధరలతో అందించనుంది .
Read hindi news: hindi.vaartha.com
Read also: Odisha: ప్రొఫెసర్ లైంగిక వేధింపులతో విద్యార్థిని ఆత్మహత్య.. ఖండించిన ప్రతిపక్షాలు