గురువారం భారత స్టాక్ మార్కెట్ (Indian Stock Market) ఒడిదుడుకుల మధ్య స్వల్ప నష్టాలతో ముగిసింది. అమెరికా (America) భారత్పై సుంకాలు విధించినప్పటికీ సూచీలు భారీగా పడిపోలేదు. ప్రధానంగా ఎఫ్ఎంసీజీ స్టాక్స్లో కొనుగోళ్లు మార్కెట్కు కొంత ఊరటనిచ్చాయి.సెన్సెక్స్ 296.28 పాయింట్లు తగ్గి 81,185.58 వద్ద నిలిచింది. గత సెషన్ ముగింపు 81,481.86తో పోలిస్తే ఇది తక్కువ స్థాయిలో ముగిసింది. ఉదయం సెన్సెక్స్ 80,695.50 వద్ద గణనీయ పతనంతో ప్రారంభమైంది. మధ్యాహ్నం వినియోగ రంగంలో కొనుగోళ్లతో సూచీ పుంజుకుంది. ఇంట్రాడేలో 81,803.27 గరిష్ట స్థాయిని తాకినా చివరి గంటలో లాభాలను నిలుపుకోలేకపోయింది. నిఫ్టీ 86.70 పాయింట్లు తగ్గి 24,768.35 వద్ద ముగిసింది.సెన్సెక్స్లో టాటా స్టీల్, సన్ ఫార్మా, ఎన్టీపీసీ, రిలయన్స్, ఏషియన్ పెయింట్స్, ఎల్ అండ్ టీ, టైటాన్ నష్టపోయాయి. ఈ స్టాక్స్పై అమ్మకాల ఒత్తిడి ఎక్కువగా కనిపించింది.
టాప్ గెయినర్స్
హిందుస్థాన్ యూనిలీవర్, ఎటర్నల్, ఐటీసీ, కోటక్ మహీంద్రా బ్యాంక్ లాభాల్లో ముగిశాయి. వీటిలో ముఖ్యంగా హిందుస్థాన్ యూనిలీవర్ ఫలితాల ప్రభావంతో మంచి వృద్ధి సాధించింది.నిఫ్టీ 100 సూచీ 95 పాయింట్లు లేదా 0.38 శాతం పడిపోయింది. నిఫ్టీ మిడ్ క్యాప్ 100 541 పాయింట్లు లేదా 0.93 శాతం తగ్గింది. నిఫ్టీ స్మాల్ క్యాప్ 100 కూడా 190 పాయింట్లు లేదా 1.05 శాతం నష్టపోయింది.
ఎఫ్ఎంసీజీ సెక్టార్ దూకుడు
నిఫ్టీ ఎఫ్ఎంసీజీ 791 పాయింట్లు లేదా 1.44 శాతం పెరిగింది. హిందుస్థాన్ యూనిలీవర్ మంచి ఆదాయాలను ప్రకటించడంతో ఈ రంగంలో కొనుగోలు ఆసక్తి పెరిగింది.నిఫ్టీ ఆటో 89 పాయింట్లు, నిఫ్టీ ఐటీ 180 పాయింట్లు, నిఫ్టీ బ్యాంక్ 188 పాయింట్లు తగ్గాయి. ఈ రంగాల్లో అమ్మకాల ఒత్తిడి కొనసాగింది.రోజు చివర్లో నెలవారీ గడువు ముగింపు ప్రభావం మార్కెట్పై కనిపించింది. తీవ్ర పతనం తర్వాత మార్కెట్ పుంజుకునే ప్రయత్నం చేసినప్పటికీ చివరికి స్వల్ప నష్టాలతోనే ముగిసింది.
Read Also : Kerala: గృహ హింసకు బలి అయిన గర్భిణీ
