భారత స్టాక్ మార్కెట్ (Stock Market) మంగళవారం గణనీయమైన లాభాలతో ముగిసింది. పలు సెషన్లుగా కొనసాగిన నష్టాలకు ఈరోజు బ్రేక్ (Break in losses today) పడింది. కొనుగోళ్ల మద్దతుతో బెంచ్మార్క్ సూచీలు బలంగా పుంజుకున్నాయి.సెన్సెక్స్ 446.93 పాయింట్లు పెరిగి 81,337.95 వద్ద ముగిసింది. ఉదయం 80,620.25 వద్ద నష్టాల్లో ప్రారంభమైనా, ఇంట్రాడేలో 81,429.88 గరిష్టాన్ని తాకింది. నిఫ్టీ 140.20 పాయింట్లు లాభపడి 24,821.10 వద్ద స్థిరపడింది.అమెరికా-భారత్ వాణిజ్య చర్చలపై ఉన్న అనిశ్చితుల మధ్య మార్కెట్ సానుకూలంగా పుంజుకుంది. దాదాపు అన్ని రంగాలు లాభాలతో ముగిశాయి. ముఖ్యంగా మెటల్, ఫార్మా, రియల్టీ రంగాలు గణనీయమైన లాభాలను సాధించాయి.
కొన్ని రంగాలు వెనుకబాటు
త్రైమాసిక ఫలితాలు బలహీనంగా ఉండటంతో ఐటీ, ఫైనాన్షియల్స్, ఎఫ్ఎంసీజీ రంగాలు వెనుకబడ్డాయి. అమెరికా ఫెడ్ పాలసీ నిర్ణయాలు, ఆగస్టు 1న సుంకాల గడువు పెట్టుబడిదారుల సెంటిమెంట్పై ప్రభావం చూపాయి.ఎల్ అండ్ టీ, అదానీ పోర్ట్స్, టాటా స్టీల్, టాటా మోటార్స్, మారుతీ సుజుకి, భారతీ ఎయిర్టెల్, హెచ్డీఎఫ్సీ బ్యాంక్, బజాజ్ ఫైనాన్స్ లాభాల్లో నిలిచాయి. నష్టాల్లో టిసీఎస్, యాక్సిస్ బ్యాంక్, టైటాన్ ఉన్నాయి.నిఫ్టీ నెక్స్ట్ 50 610 పాయింట్లు, నిఫ్టీ 100 158 పాయింట్లు, నిఫ్టీ మిడ్క్యాప్ 100 465 పాయింట్లు, నిఫ్టీ స్మాల్క్యాప్ 100 186.70 పాయింట్లు లాభపడ్డాయి.
సెక్టోరల్ ఇండెక్స్ల పనితీరు
నిఫ్టీ బ్యాంక్ 137 పాయింట్లు, నిఫ్టీ ఫిన్ సర్వీసెస్ 85 పాయింట్లు, నిఫ్టీ ఆటో 195 పాయింట్లు పెరిగాయి. మెజారిటీ సెక్టోరల్ ఇండెక్స్లు లాభాల్లో ముగిశాయి.రూపాయి డాలర్తో పోలిస్తే 0.14 పాయింట్లు తగ్గి 86.80 వద్ద ముగిసింది. డాలర్ ఇండెక్స్ 99 మార్కుకు చేరుకోవడంతో దేశీయ మార్కెట్ లాభాలు కొంత తగ్గాయి.ఈరోజు మార్కెట్లోని సానుకూల ధోరణి పెట్టుబడిదారుల నమ్మకాన్ని పెంచింది. అయితే, గ్లోబల్ పరిణామాలు, అమెరికా ఫెడ్ నిర్ణయాలు రాబోయే సెషన్లలో ప్రభావం చూపే అవకాశం ఉంది.
Read Also : Himachal Pradesh: హిమాచల్ ప్రదేశ్ను ముంచెత్తుతున్న భారీ వర్షాలు.. 51 మంది మృతి