నవరాత్రి ప్రారంభం రోజునే కేంద్రం ప్రజలకు శుభవార్త అందించింది. వస్తు మరియు సేవల పన్ను (GST)లో కీలకమైన సవరణలు చేస్తూ ‘జీఎస్టీ 2.0’ పేరుతో కొత్త విధానాన్ని సోమవారం నుంచి అమలు చేసింది. దీని ఫలితంగా నిత్యావసరాల నుంచి ఎలక్ట్రానిక్ వస్తువుల వరకు వందలాది ఉత్పత్తుల ధరలు గణనీయంగా తగ్గనున్నాయి. దీంతో ప్రతి కుటుంబానికి ఆర్థికంగా ఉపశమనం లభించనుంది.
కేంద్రం–రాష్ట్రాల జీఎస్టీ కౌన్సిల్(GST Council) నిర్ణయించిన ఈ సవరణల వల్ల దేశ ఆర్థిక వ్యవస్థకు సుమారు రూ. 2 లక్షల కోట్ల మేర లాభం(Profit) చేకూరుతుందని కేంద్ర ఆర్థిక మంత్రి నిర్మలా సీతారామన్ ప్రకటించారు.
పన్ను తగ్గిన లేదా రద్దైన విభాగాలు
పన్నుముక్త ఉత్పత్తులు
- ప్యాకెట్ పాలు
- పన్నీర్
- చపాతీలు
- పిజ్జా బ్రెడ్
నిత్యావసరాలు (18% నుంచి 5%కి తగ్గింపు)
- వెన్న, నెయ్యి
- డ్రై ఫ్రూట్స్
- కాఫీ
- ఐస్ క్రీమ్
- జామ్, కెచప్
- బిస్కెట్లు
ఎలక్ట్రానిక్స్ (28% నుంచి 18%కి తగ్గింపు)
- టీవీలు
- ఫ్రిజ్లు
- వాషింగ్ మెషీన్లు
- ఎయిర్ కండిషనర్లు
వాహనాలు
- చిన్న కార్లు (1200cc లోపు) – 18%
- 350cc లోపు బైకులు – 18%
- ఎలక్ట్రిక్ వాహనాలు – కేవలం 5%
ఆరోగ్యం, విద్య
- ఆరోగ్య, జీవిత బీమా ప్రీమియం – పన్ను రద్దు
- అత్యవసర మందులు, వైద్య పరికరాలు – 5% పన్ను
- పెన్సిళ్లు, పుస్తకాలు, మ్యాప్లు – పన్ను రద్దు
ఇతర విభాగాలు
- సిమెంట్ – 28% నుంచి 18%
- హోటల్ గదులు (₹7,500 లోపు), ఎకానమీ విమాన టికెట్లు – 5%
- జిమ్లు, స్పాలు, సెలూన్ సేవలు – చౌకగా అందుబాటులోకి
జీఎస్టీ 2.0 ఎప్పుడు ప్రారంభమైంది?
నవరాత్రి తొలి రోజైన సోమవారం నుంచి దేశవ్యాప్తంగా అమల్లోకి వచ్చింది.
నిత్యావసర వస్తువుల్లో ఎలాంటి మార్పులు జరిగాయి?
వెన్న, నెయ్యి, డ్రై ఫ్రూట్స్, కాఫీ, ఐస్క్రీమ్ వంటి వస్తువులపై పన్ను 18% నుంచి 5%కి తగ్గించారు.
Read hindi news: hindi.vaartha.com
Read Also:
