Elon Musk : టెక్నాలజీ రంగంలో కృత్రిమ మేధ AI ఆధిపత్య పోరు మరింత తీవ్రరూపం దాల్చింది. టెస్లా, స్పేస్ఎక్స్ అధినేత ఎలాన్ మస్క్, టెక్ దిగ్గజం యాపిల్పై సంచలన ఆరోపణలు చేస్తూ మంగళవారం న్యాయపరమైన చర్యలకు దిగుతామని హెచ్చరించారు. యాపిల్ తన యాప్ స్టోర్లో ఓపెన్ఏఐకి చెందిన చాట్జీపీటీకి అనైతికంగా కొమ్ముకాస్తోందని, ఇది తమ సొంత ఏఐ స్టార్టప్ ‘ఎక్స్ఏఐ’ ఎదుగుదలను అడ్డుకుంటోందని ఆయన మండిపడ్డారు.
చట్ట పరమైన చర్యలు
యాపిల్ ప్రవర్తిస్తున్న తీరు వల్ల, ఓపెన్ఏఐ తప్ప మరే ఇతర ఏఐ కంపెనీ యాప్ స్టోర్లో నంబర్ వన్ స్థానానికి చేరుకోవడం అసాధ్యంగా మారింది. ఇది స్పష్టంగా యాంటీట్రస్ట్ నిబంధనలను ఉల్లంఘించడమే. దీనిపై ఎక్స్ఏఐ తక్షణమే చట్టపరమైన చర్యలు తీసుకుంటుంది” అని మస్క్ తన సోషల్ మీడియా ప్లాట్ఫామ్ ‘ఎక్స్’లో పోస్ట్ చేశారు.
మరో పోస్టులో, “దురదృష్టవశాత్తు మాకు వేరే మార్గం లేదు. యాపిల్ ఈ విషయంలో చిన్నపాటి పక్షపాతం చూపడం లేదు, ఏకంగా వాళ్ల బరువునంతా మోసింది” అంటూ తన ఆగ్రహాన్ని వ్యక్తం చేశారు.
60 నుంచి 2వ స్థానానికి ఎగబాకిన గ్రాక్ ర్యాంకు
ఎలాన్ మస్క్ (Elon Musk) కు చెందిన ఎక్స్ఏఐ రూపొందించిన ‘గ్రాక్’ (Grok), ఓపెన్ఏఐకి చెందిన ‘చాట్జీపీటీ’ మధ్య పోటీ తీవ్రమవుతున్న తరుణంలో ఈ ఆరోపణలు రావడం ప్రాధాన్యం సంతరించుకుంది. గత నెలలో ఎక్స్ఏఐ ‘గ్రాక్ 4’ను విడుదల చేసింది. ఇమేజ్, వీడియో జనరేషన్ కోసం ‘గ్రాక్ ఇమేజిన్’ వంటి కొత్త ఫీచర్లను కూడా జోడించింది. దీంతో యాపిల్ ప్రొడక్టివిటీ కేటగిరీలో గ్రాక్ ర్యాంకు 60 నుంచి 2వ స్థానానికి ఎగబాకింది.
అయితే, చాట్జీపీటీ గత ఏడాది కాలంగా యాపిల్ యాప్ స్టోర్ ఓవరాల్ చార్టుల్లో మొదటి లేదా రెండవ స్థానంలో స్థిరంగా కొనసాగుతోంది. యాపిల్ తన యాప్ స్టోర్ ఎడిటోరియల్ కంటెంట్లో చాట్జీపీటీని ప్రత్యేకంగా హైలైట్ చేయడం, సిరి, రైటింగ్ టూల్స్లో ఓపెన్ఏఐ టెక్నాలజీని విలీనం చేయడమే దీనికి కారణమని మస్క్ ఆరోపిస్తున్నారు.
ఎలోన్ మస్క్ ఏ రకమైన వ్యాపారం?
ఎలోన్ మస్క్ ఒక వ్యాపారవేత్త, ప్రధానంగా ఆటోమోటివ్ కంపెనీ టెస్లా, ఇంక్.మరియు స్పేస్ కంపెనీ స్పేస్ఎక్స్లో ప్రముఖ పాత్రలకు పేరుగాంచాడు. మస్క్ టెక్నాలజీ కంపెనీ ఎక్స్ కార్ప్ యాజమాన్యానికి కూడా ప్రసిద్ది చెందాడు.
ఎలోన్ మస్క్ జీతం
ఎలోన్ మస్క్ (ఎంట్రీపెనర్ – టెస్లా, స్పేస్ఎక్స్, న్యూరాలింక్ – యునైటెడ్ స్టేట్స్) సంవత్సరానికి ₹1,28,95,97,70,32,443.00 జీతం సంపాదిస్తారు.
Read also hindivaartha.com
Read more ::