కేంద్ర బడ్జెట్ 2026 వెలువడిన తర్వాత ఇన్వెస్టర్ల మధ్య ఎక్కువగా వినిపిస్తున్న పదం LTCG ట్యాక్స్. స్టాక్ మార్కెట్లు (Stock market) ఆల్టైమ్ హైల్లో ఉన్న సమయంలో ఈ పన్ను లాభాలపై ఎంత ప్రభావం చూపుతుందన్నది అందరి ప్రశ్న. ప్రభుత్వం పెద్ద మార్పులు చేయకపోయినా, ఉన్న నిబంధనలే ఇన్వెస్టర్ల జేబుపై భారం వేసేలా ఉన్నాయి. ముఖ్యంగా దీర్ఘకాలిక పెట్టుబడులపై పన్ను కొనసాగడమే చర్చకు కారణమైంది. ఈ ట్యాక్స్ను అర్థం చేసుకోకపోతే లాభాలు వచ్చినా చేతిలో మిగలకపోవచ్చు.
Read also: India: భారత్ దెబ్బకు పాక్, బంగ్లాదేశ్ లు విలవిల
The LTCG tax is scaring investors!
బడ్జెట్ 2026లో ఈక్విటీ ట్యాక్స్ నిబంధనలు
2026–27 ఆర్థిక సంవత్సరానికి ఆర్థిక మంత్రి నిర్మలా సీతారామన్ ప్రస్తుత పన్ను విధానాన్నే కొనసాగించారు. ఈక్విటీలపై ఒక ఏడాది దాటిన లాభాలకు 12.5% LTCG ట్యాక్స్ (Tax) వర్తిస్తుంది. సంవత్సరానికి రూ.1.25 లక్షల వరకు లాభాలపై పన్ను మినహాయింపు ఉంది. ఆ పరిమితిని దాటితే తప్పనిసరిగా ట్యాక్స్ చెల్లించాలి. షార్ట్ టర్మ్ క్యాపిటల్ గెయిన్స్ ట్యాక్స్ మాత్రం 20%గానే కొనసాగుతోంది. మినహాయింపు పరిమితి పెరుగుతుందన్న ఆశ నెరవేరకపోవడంతో ఇన్వెస్టర్లు నిరాశ చెందారు.
గోల్డ్ మరియు SGB ఇన్వెస్టర్లకు ఎదురుదెబ్బ
బంగారంలో పెట్టుబడి పెట్టేవారికి కూడా ఈ బడ్జెట్ షాక్ ఇచ్చింది. ఫిజికల్ గోల్డ్, డిజిటల్ గోల్డ్, గోల్డ్ ETFలపై లాంగ్ టర్మ్ లాభాలకు 12.5% పన్ను వర్తిస్తుంది. ఇక్కడ ఇండెక్సేషన్ బెనిఫిట్ ఉండదు. ముఖ్యంగా సావరీన్ గోల్డ్ బాండ్స్ విషయంలో కీలక మార్పు జరిగింది. 2026 ఏప్రిల్ 1 తర్వాత సెకండరీ మార్కెట్లో కొనుగోలు చేసిన SGBలకు మెచ్యూరిటీ సమయంలో పన్ను మినహాయింపు ఉండదు. దీంతో గోల్డ్ ఇన్వెస్టర్లు తమ వ్యూహాన్ని మార్చుకోవాల్సిన పరిస్థితి వచ్చింది.
LTCG ట్యాక్స్ ఎందుకు ఇప్పుడు ఇంత కీలకం?
ప్రభుత్వం అన్ని ఆస్తులపై ఒకే రకమైన పన్ను విధానాన్ని తీసుకురావాలని స్పష్టంగా సూచిస్తోంది. ట్యాక్స్ ఎగవేతలకు అవకాశం లేకుండా వ్యవస్థను కఠినంగా చేయడమే లక్ష్యం. స్వల్పకాలిక ట్రేడింగ్ కంటే దీర్ఘకాలిక పెట్టుబడులనే ప్రభుత్వం ప్రోత్సహిస్తోంది. అందుకే LTCG ట్యాక్స్ ఇప్పుడు ప్రతి ఇన్వెస్టర్కు తప్పనిసరిగా తెలుసుకోవాల్సిన అంశంగా మారింది. సరైన ప్లానింగ్ లేకపోతే లాభాలు వచ్చినా పన్నులకే వెళ్లే ప్రమాదం ఉంది.
Read hindi news: hindi.vaartha.com
Epaper: epaper.vaartha.com
Read Also:
