దీపావళి సందర్భంగా ప్రభుత్వ టెలికాం సంస్థ బీఎస్ఎన్ఎల్ (BSNL) తమ వినియోగదారులకు సూపర్ గిఫ్ట్ ప్రకటించింది. దీపావళి పండుగను పురస్కరించుకుని కొత్త యూజర్ల కోసం కేవలం రూ.1కే నెల రోజుల వ్యాలిడిటీ గల కొత్త ప్రీపెయిడ్ ప్లాన్ను అందుబాటులోకి తీసుకొచ్చింది. దీనిని “బీఎస్ఎన్ఎల్ దీపావళి బొనాంజా ఆఫర్” (BSNL Diwali Bonanza Offer) అని సంస్థ ప్రకటించింది.
Read Also: Stock Market: లాభాల్లో ముగిసిన స్టాక్ మార్కెట్
ఈ ఆఫర్ అక్టోబర్ 15 నుంచి నవంబర్ 15 వరకు మాత్రమే అందుబాటులో ఉంటుంది. అంటే నెల రోజులపాటు ఈ బంపర్ ఆఫర్ను కొత్త కస్టమర్లు వినియోగించుకోవచ్చు. ఈ ఆఫర్లో భాగంగా యూజర్లు రూ.1 చెల్లించి ఒక నెల వ్యాలిడిటీని పొందవచ్చు. అంతేకాదు, ఆ నెలలో అన్లిమిటెడ్ వాయిస్ కాల్స్, రోజుకు 2జీబీ డేటా, 100 ఎస్ఎమ్ఎస్లు కూడా ఉచితంగా పొందొచ్చు.
ఈ ఆఫర్ ప్రత్యేకత ఏమిటంటే — ఇది కేవలం కొత్త యూజర్లకే వర్తిస్తుంది. అంటే కొత్తగా బీఎస్ఎన్ఎల్ సిమ్ తీసుకోవాలనుకునే వారికి ఇది వర్తిస్తుంది. కొత్త సిమ్ తీసుకోవాలనుకునే కస్టమర్లు ఉచితంగా బీఎస్ఎన్ఎల్ సిమ్ (BSNL SIM) పొందవచ్చు. ఇందుకోసం వారు తమ దగ్గర్లోని బీఎస్ఎన్ఎల్ కస్టమర్ సర్వీస్ సెంటర్ లేదా అధికారిక రిటైలర్ షాప్ను సంప్రదించవచ్చు.
Read hindi news: hindi.vaartha.com
Epaper : epaper.vaartha.com/
Read Also: