ప్రపంచ క్రిప్టో మార్కెట్లో బిట్కాయిన్ మరో చరిత్ర సృష్టించింది టెక్ దిగ్గజం అమెజాన్ను వెనక్కు నెట్టి, 6వ అతిపెద్ద ఆస్తిగా అవతరించింది. ఇది బిట్కాయిన్ వేగాన్ని స్పష్టంగా చూపించే ఉదాహరణ.తాజాగా విడుదలైన CompaniesMarketCap.com నివేదిక ప్రకారం, బిట్కాయిన్ మార్కెట్ విలువ 1.857 ట్రిలియన్ డాలర్లకు చేరింది.అదే సమయంలో అమెజాన్ మార్కెట్ క్యాప్ 1.837 ట్రిలియన్ డాలర్లతో కాస్త వెనుకబడింది.దీంతో బిట్కాయిన్, టాప్-10 విలువైన ఆస్తుల్లో దూసుకెళ్లింది.ఇటీవల బిట్కాయిన్ ధర భారీగా పెరుగుతోంది. కేవలం 24 గంటల్లోనే 6.2 శాతం లాభపడి, ఒక్క బిట్కాయిన్ ధర 93,546 డాలర్లను తాకింది. ఇది గత బుల్ మార్కెట్ దశను గుర్తుచేస్తోంది. పెట్టుబడిదారుల ఉత్సాహం స్పష్టంగా కనిపిస్తోంది.ఇదే సమయంలో అమెజాన్ షేర్లు 3.5 శాతం పెరిగినా, ఈ సంవత్సరం మొత్తం మీద 21 శాతం నష్టాన్ని చవిచూశాయి.గత ఏడాది కాలంలో అమెజాన్ నష్టాల్లో మిగిలింది. కానీ బిట్కాయిన్ మాత్రం అదే సమయంలో 40 శాతం పైగా లాభాన్ని అందించింది.
ఇది క్రిప్టోలో విశ్వాసం ఎంతగా పెరిగిందో చెబుతుంది. ప్రస్తుతం గూగుల్ కంపెనీ అయిన ఆల్ఫాబెట్ 1.859 ట్రిలియన్ డాలర్లతో ఐదో స్థానంలో ఉంది.టాప్లో బంగారం 22.5 ట్రిలియన్ డాలర్లతో కొనసాగుతోంది. కానీ డిజిటల్ కరెన్సీ అయిన బిట్కాయిన్ ఈ స్థాయికి చేరడం గమనార్హం.బిట్కాయిన్ ధరలు పెరగడానికి ముఖ్యమైన కారణాలు కొన్ని ఉన్నాయి. సంస్థాగత పెట్టుబడులు పెరగడం మొదటి కారణం.రెండోది స్పాట్ బిట్కాయిన్ ETFల్లో పెట్టుబడులు భారీగా రావడం. వీటి వలన మార్కెట్కు బలమైన మద్దతు లభించింది. ముడ్రెక్స్ CEO ఎడుల్ పటేల్ ఈ విషయంపై మాట్లాడుతూ, “ఈ ర్యాలీ వెనక సంస్థాగత పెట్టుబడిదారుల హస్తం ఉంది. స్పాట్ బిట్కాయిన్ ETFల్లో ఈ వారం ఒక్కటే 1 బిలియన్ డాలర్లకుపైగా పెట్టుబడులు వచ్చాయి. నికరంగా చూస్తే 700 మిలియన్ డాలర్లకు పైగా నిధులు చేరాయి,” అని చెప్పారు. ఈ గణాంకాలు చూస్తే బిట్కాయిన్ భవిష్యత్తు మరింత ఆసక్తికరంగా మారే అవకాశం ఉంది. డిజిటల్ ఆస్తుల దిశగా ప్రపంచం వేగంగా కదులుతోందని, ఇది మరో ఉదాహరణ.
Read Also : Rs.100 Coin : సత్యసాయి శత జయంతికి రూ.100 నాణెం
