Mobile Recharge : మొబైల్ వినియోగదారులపై నెలవారీ రీఛార్జ్ భారాన్ని తగ్గించే దిశగా టెలికాం నియంత్రణ సంస్థ (TRAI) కీలక అడుగులు వేస్తోంది. ‘వినియోగదారుడికి డేటా అవసరం లేనప్పుడు, దాని కోసం అదనంగా డబ్బులు ఎందుకు వసూలు చేయాలి?’ అనే విప్లవాత్మక ఆలోచనతో ట్రాయ్ ఒక సరికొత్త ముసాయిదాను (Draft) సిద్ధం చేసింది. ప్రస్తుతం టెలికాం కంపెనీలు కేవలం వాయిస్ కాల్స్, ఎస్ఎమ్ఎస్ (SMS) మాత్రమే కావాలనుకునే వారికి పరిమిత కాల వాలిడిటీ ప్లాన్లను మాత్రమే ఆఫర్ చేస్తున్నాయి. దీనివల్ల సాధారణ వినియోగదారులు లేదా కేవలం బేసిక్ ఫోన్లు వాడేవారు, ఎక్కువ రోజుల వాలిడిటీ కోసం తమకు అవసరం లేకపోయినా డేటాతో కూడిన ఖరీదైన ప్లాన్లను కొనుగోలు చేయాల్సి వస్తోంది. ఈ బలవంతపు భారాన్ని తొలగించి, వినియోగదారులకు ఉపశమనం కలిగించడమే ట్రాయ్ యొక్క ముఖ్య ఉద్దేశం.
Read Also : హీరో విడా నుంచి కొత్త ఈ-స్కూటర్.. అదిరే ఫీచర్లతో ఎంట్రీ
50-70 శాతం తగ్గనున్న రీఛార్జ్ భారం: మారనున్న టెలికాం రూల్స్
ట్రాయ్ ప్రతిపాదించిన ఈ కొత్త నిబంధనలు గనుక అమల్లోకి వస్తే, సాధారణ మొబైల్ రీఛార్జ్ ప్లాన్ల ధరలు ఏకంగా 50 నుండి 70 శాతం వరకు తగ్గే అవకాశాలు స్పష్టంగా కనిపిస్తున్నాయి. స్టేక్ హోల్డర్ల (టెలికాం ఆపరేటర్ల) నుంచి వచ్చే అభ్యంతరాలు, అభిప్రాయాలను పరిశీలించిన అనంతరం ఈ కొత్త నిబంధనలను ట్రాయ్ అధికారికంగా అమలు చేయనుంది. దీనివల్ల కేవలం ఇన్కమింగ్, అవుట్గోయింగ్ వాయిస్ కాల్స్ మాత్రమే కావాలనుకునే వారు అతి తక్కువ ధరకే ఎక్కువ రోజుల వాలిడిటీ కలిగిన ప్లాన్లను ఎంచుకునే వీలు కలుగుతుంది. ముఖ్యంగా గ్రామీణ ప్రాంతాల ప్రజలకు, వృద్ధులకు మరియు డేటా అవసరం లేని సాధారణ ఫోన్ వినియోగదారులకు ఈ నిర్ణయం ఒక పెద్ద వరంగా మారబోతోంది.
Read Also hindi news: hindi.vaartha.com
Read Also Epaper : epaper.vaartha.com
Read Also :