టెక్నాలజీ ప్రియులు ఆసక్తిగా ఎదురుచూస్తున్న ఆపిల్ మెగా ఈవెంట్ సమయం దగ్గరపడింది. సెప్టెంబర్ 9న (On September 9th) కాలిఫోర్నియాలోని స్టీవ్ జాబ్స్ థియేటర్లో ‘ఆవ్ డ్రాపింగ్’ పేరుతో ఈవెంట్ జరగనుంది. భారత కాలమానం ప్రకారం ఆపిల్ అధికారిక వెబ్సైట్, యూట్యూబ్ ఛానల్ల ద్వారా ఈవెంట్ ప్రత్యక్ష ప్రసారం అందుబాటులో ఉంటుంది. ఈ సారి ప్రధాన ఆకర్షణ ఐఫోన్ (17 Apple iPhone 17) సిరీస్. డిజైన్లో భారీ మార్పులు రానున్నాయని ముందే సంకేతాలు రావడంతో ప్రపంచవ్యాప్తంగా టెక్ లవర్స్లో ఉత్కంఠ నెలకొంది.
ఐఫోన్ 17 లైనప్ – ‘ఎయిర్’ మోడల్ ప్రత్యేక ఆకర్షణ
ఈసారి ఆపిల్ నాలుగు కొత్త మోడళ్లు తీసుకురానుంది. అవి ఐఫోన్ 17, ఐఫోన్ 17 ఎయిర్, ఐఫోన్ 17 ప్రో, ఐఫోన్ 17 ప్రో మ్యాక్స్. వీటిలో అత్యధిక చర్చనీయాంశం ఐఫోన్ 17 ఎయిర్. కేవలం 5.5 మిల్లీమీటర్ల మందంతో ఇది ఇప్పటివరకు వచ్చిన ఐఫోన్లలో అత్యంత సన్నగా నిలవనుంది. 6.6 అంగుళాల డిస్ప్లే, ప్రోమోషన్ టెక్నాలజీ, శక్తివంతమైన A19 ప్రాసెసర్తో రానుంది. ఆపిల్ స్వయంగా తయారు చేసిన వై-ఫై చిప్ కూడా ఇందులో ఉంటుంది. ఇక ఫిజికల్ సిమ్ స్లాట్ లేకుండా కేవలం ఈ-సిమ్ సపోర్ట్ మాత్రమే ఉండనుంది. దీని ప్రారంభ ధర సుమారు 900 డాలర్లుగా అంచనా.
బేస్ మోడల్లో కొత్త ఫీచర్లు
ఐఫోన్ 17 బేస్ మోడల్లో కూడా పెద్ద మార్పులు ఉన్నాయి. డిస్ప్లే సైజ్ 6.1 నుంచి 6.3 అంగుళాలకు పెరిగింది. తొలిసారిగా ఈ మోడల్లో కూడా 120Hz ప్రోమోషన్ టెక్నాలజీ ఇవ్వనున్నారు. 48MP ప్రధాన కెమెరా, A19 ప్రాసెసర్ దీని ప్రత్యేకతలు. దీని ధర 800 డాలర్లు నుంచి ప్రారంభమవుతుంది.ఐఫోన్ 17 ప్రో, ప్రో మ్యాక్స్ మోడళ్లు పూర్తిగా కొత్త లుక్లో రానున్నాయి. వెనుక భాగంలో హారిజాంటల్ కెమెరా బార్ ఉండనుంది. బరువును తగ్గించేందుకు టైటానియం స్థానంలో అల్యూమినియం ఫ్రేమ్ వాడనున్నారు. A19 ప్రో ప్రాసెసర్, 48MP టెలిఫోటో లెన్స్, ముందు-వెనుక కెమెరాలతో ఒకేసారి వీడియో రికార్డింగ్ వంటి ఫీచర్లు ఉంటాయి. డిస్ప్లే పరిమాణం ప్రోలో 6.3 అంగుళాలు, ప్రో మ్యాక్స్లో 6.9 అంగుళాలు. ధరలు వరుసగా 1,099 డాలర్లు, 1,199 డాలర్లు నుంచి ప్రారంభం కానున్నాయి.
కొత్త వాచ్లు, ఎయిర్పాడ్స్ ఆవిష్కరణ
ఐఫోన్లతో పాటు ఈ ఈవెంట్లో మూడు కొత్త ఉత్పత్తులు రానున్నాయి. ఆరోగ్య ఫీచర్లపై దృష్టి సారించి ఎయిర్పాడ్స్ ప్రో 3ను ఆపిల్ విడుదల చేస్తోంది. ఇందులో హార్ట్రేట్ మానిటరింగ్, టెంపరేచర్ సెన్సింగ్ ఫీచర్లు ఉంటాయి. అదనంగా ఆపిల్ వాచ్ అల్ట్రా 3, సిరీస్ 11, వాచ్ SE మోడళ్లను ఆవిష్కరించనుంది. శాటిలైట్ కనెక్టివిటీ, మెరుగైన బ్యాటరీ లైఫ్ వీటిలో ప్రధాన ఆకర్షణ.మొత్తం మీద, ఈ సారి ఆపిల్ మెగా ఈవెంట్ కంపెనీ ఉత్పత్తుల లైనప్లో ఒక కొత్త అధ్యాయం రాయనుంది. ముఖ్యంగా ఐఫోన్ 17 సిరీస్ డిజైన్, ఫీచర్లు టెక్నాలజీ ప్రేమికులను ఆకట్టుకోనున్నాయి. నిపుణుల అంచనా ప్రకారం, ఇది భవిష్యత్ ఐఫోన్ డిజైన్లకు దారితీసే ఈవెంట్ కానుంది.
Read Also :
