ఉత్తర్ప్రదేశ్ (uttarapradesh) లోని బలియా జిల్లాలో రిటైర్డ్ బీఆర్వో జవాన్ (Retired Jawan)కిరాతక హత్యకు గురయ్యారు. ఆయన భార్యతోపాటు ఆమె ప్రియుడు ఆ దారుణానికి ఒడిగట్టారు. హత్య చేసిన మృతదేహాన్ని ముక్కలుగా నరికి వేర్వేరు ప్రదేశాల్లో విసిరేశారు. కేసు నమోదు చేసుకున్న పోలీసులు దర్యాప్తు చేపట్టారు. అవయవాల ముక్కలను స్వాధీనం చేసుకుని విచారణ ప్రారంభించారు.
ఘటన స్థలం – ఉత్తరప్రదేశ్లోని బలియా జిల్లా
పోలీసులు తెలిపిన వివరాల ప్రకారం, కొన్ని రోజుల క్రితం సికందర్పుర్ పోలీస్ స్టేషన్ పరిధిలోని దియారా గ్రామంలో పాలిథిన్ కవర్లో తెగిపోయిన మనిషి చేతులు, కాళ్లు పొలంలో కనిపించాయి. అవి గమనించిన స్థానికులు, పోలీసులకు సమాచారం అందించారు. ఘటనాస్థలికి చేరుకున్న పోలీసులు దర్యాప్తు ప్రారంభించారు. అవి హరిపుర్ నివాసి అయిన రిటైర్డ్ జవాన్ (Retired Jawan) దేవేంద్ర( Devendra) (62)కు చెందిన అవయవాలుగా గుర్తించారు. వెంటనే కేసు నమోదు చేసి విచారణ చేపట్టారు. ఆ తర్వాత బావిలో గుర్తించిన మిగిలిన భాగాలను స్వాధీనం చేసుకున్నారు. దేవేంద్ర ( Devendra) బోర్డర్ రోడ్స్ ఆర్గనైజేషన్ (BRO)లో ఎలక్ట్రీషియన్గా పనిచేసేవాడు. దర్యాప్తులో దేవేంద్ర ( Devendra) భార్య పాత్ర అనుమానాస్పదంగా కనిపించింది. దేవేంద్ర ( Devendra) భార్యకు ట్రక్ డ్రైవర్ అనిల్ యాదవ్తో వివాహేతర సంబంధాలు ఉన్నాయని దర్యాప్తులో తేలింది. ఆ కారణంగానే భార్యాభర్తల మధ్య గొడవ జరిగినట్లు పోలీసులు వెల్లడించారు.
వివాహేతర సంబంధమే ఘాతుకానికి మూలం
ఆ తర్వాత దేవేంద్ర భార్య తన ప్రేమికుడితో కలిసి పథకం వేసి ఇంట్లోనే భర్తను చంపేసినట్లు తెలిపారు. అనంతరం మృతదేహాన్ని దాచాలనే ఉద్దేశంతో చేతులు, కాళ్లు, మొండెం నరికి వాటిని బొలెరోసో తీసుకెళ్లి దియారా ప్రాంతంలోని వేర్వేరు ప్రదేశాల్లో విసిరేశారని చెప్పారు. ట్రక్ డ్రైవర్ అనిల్ యాదవ్ను అరెస్ట్ చేసిన సమయంలో ఎన్కౌంటర్ జరిగినట్లు వెల్లడించారు.
అనిల్ యాదవ్ అరెస్ట్
స్పెషల్ ఇన్ఫార్మర్ నుంచి వచ్చిన సమాచారం ఆధారంగా అనిల్ యాదవ్ను అరెస్ట్ చేయడానికి వెళ్లామని పోలీసు సూపరింటెండెంట్ కృపా శంకర్ తెలిపారు. ఆ సమయంలో నిందితుడు పోలీసు బృందంపై కాల్పులు జరిపాడని చెప్పారు. దీంతో ప్రాణరక్షణ కోసం పోలీసులు జరిపిన కాల్పుల్లో అనిల్ కాలికి బుల్లెట్ తగిలిందని, ఆ తర్వాత అతడిని అరెస్ట్ చేసినట్లు వెల్లడించారు. దేవేంద్ర భార్య, అనిల్ యాదవ్పై కేసు నమోదు చేసి తదుపరి చర్యలు తీసుకుంటున్నామని చెప్పారు.
Read Also: JUSTICE: 52వ సీజేఐగా జస్టిస్ బీఆర్ గవాయ్ ప్రమాణ స్వీకారం