పిల్లలు చిన్న చిన్న విషయాలకే భయపడుతూ ఉంటారు. ఈ భయం కొంతమేర ఉండటం సాధారణం, కానీ కొంతమంది పిల్లలు ప్రతి చిన్న దానికి భయపడుతుంటారు. అలాంటి భయాలకు చాలా కారణాలు ఉండవచ్చు. వాటిలో కొన్ని చిన్నవిగా కనిపించినా, పిల్లల మనసులో అది పెద్ద భయంగా మారిపోతుంది.
పిల్లల్లో భయం పోగొట్టడం కోసం తల్లిదండ్రులు చాలా ముఖ్యమైన పాత్ర వహించాలి . పిల్లలు తల్లిదండ్రుల నుండి ప్రేమ, ఆదరాభిమానాలను పొందగలిగినప్పుడు, వాళ్ల భయాలు తగ్గిపోతాయి.ఇలాంటి సందర్భాల్లో, పిల్లలతో స్నేహపూర్వకంగా మాట్లాడటం చాలా అవసరం. వారితో వాళ్ల భావనలు, ఆలోచనలు, అవసరాలు పంచుకోవడం, స్నేహభావం కలిగించే వాతావరణం సృష్టించడం వారికి ఎంతో ఉపకరిస్తుంది.
పిల్లలు భయపడే విషయాలు ఏమిటో తెలుసుకోవడం ద్వారా, తల్లిదండ్రులు వారితో వాటిగురించి మాట్లాడాలి.ఈ సమయంలో, ప్రేమతో మాట్లాడటం, వారికి అర్థమయ్యే విధంగా పరిస్థితిని వివరించడం అవసరం. చిన్న పిల్లల కు అర్థం చేసుకోవడం కష్టమవచ్చు, కాబట్టి మెల్లగా, నెమ్మదిగా వాళ్లకు భయాన్ని తీసేలా చెప్పాలి.అలాగే, పిల్లలకు ‘నో’ అనే మాట చెప్పేటప్పుడు, అప్పుడు ఎందుకు అలా చెప్పారని వారికి అర్థం అయ్యేలా వివరించడం చాలా ముఖ్యం. అప్పుడు వాళ్ళ మనసు బలపడుతుంది, భయం తగ్గుతుంది. తల్లిదండ్రులు పిల్లలపై ప్రేమతో వారితో సమయం గడిపి, వారి భయాలు తగ్గించడానికి సహాయపడాలి.