ప్రస్తుతం మహిళల్లో బ్రెస్ట్ క్యాన్సర్ (Breast cancer) ఒక సాధారణమైన ఆరోగ్య సమస్యగా మారింది. మొదటగా, ఇది అభివృద్ధి చెందిన దేశాల్లో ఎక్కువగా కనిపించేది. కానీ ఇటీవల భారత్ వంటి అభివృద్ధి చెందుతున్న దేశాల్లోనూ దీని ప్రభావం పెరిగింది. జీవనశైలి మార్పులు, ఆహారపు అలవాట్లు, హార్మోనల్ మార్పులు (Hormonal changes), ఒత్తిడితో పాటు విటమిన్ లోపాలు కూడా బ్రెస్ట్ క్యాన్సర్ కు దారితీస్తున్నాయనే పరిశోధనలు వెల్లువెత్తుతున్నాయి.
విటమిన్ డి లోపం
ఇటీవల వెలుగులోకి వచ్చిన ఓ గ్లోబల్ అధ్యయనం ప్రకారం, బ్రెస్ట్ క్యాన్సర్ (Breast cancer)తో బాధపడుతున్న మహిళల్లో 96 శాతం మందికి విటమిన్ డి లోపం ఉన్నట్లు తేలింది. ఇది ఒక చిన్న సమాచారం కాదు – ప్రపంచవ్యాప్తంగా వైద్య వర్గాన్ని, ఆరోగ్య నిపుణులను అలర్ట్ చేసింది. అమెరికాలో నిర్వహించిన ఈ పరిశోధన ఫలితాలు యూనివర్సల్ గా వర్తిస్తాయని భావిస్తున్నారు. విటమిన్ డి (Vitamin D) అంటే మన శరీరానికి కావాల్సిన ముఖ్యమైన ఫ్యాట్-సొల్యూబుల్ విటమిన్. ఇది శరీరంలో ముఖ్యంగా క్యాల్షియం శోషణకు, ఎముకల ఆరోగ్యానికి, కండరాల మద్దతుకు, రోగనిరోధక వ్యవస్థకు అవసరం. అయితే ఇప్పుడు దీనికి మరో కీలక పాత్ర కూడా ఉంది – బ్రెస్ట్ హెల్త్ ని కాపాడటం.
విటమిన్ డి – బ్రెస్ట్ క్యాన్సర్ మధ్య సంబంధం ఎలా?
- మన శరీరంలోని Vitamin D Receptor (VDR) genes breast tissueలో ముఖ్యమైన పాత్ర పోషిస్తాయి. ఇవి మమ్మరీ గ్లాండ్స్ పనితీరును ప్రభావితం చేస్తాయి.
- విటమిన్ డి స్థాయి తక్కువగా ఉన్నప్పుడు ఈ VDR జీన్స్ లో ఫంక్షనల్ లోపం ఏర్పడుతుంది. దీంతో క్యాన్సర్ కణాల ఉత్పత్తికి మార్గం వీలవుతుంది.
- కొన్ని అధ్యయనాల ప్రకారం, 20 ng/ml కన్నా తక్కువ విటమిన్ డి స్థాయి ఉన్న మహిళల్లో బ్రెస్ట్ క్యాన్సర్ ముప్పు 27 శాతం ఎక్కువగా ఉంటుందని తేలింది.
సరైన విటమిన్ డి స్థాయి ఎంత?
- సాధారణంగా 30 ng/ml నుండి 50 ng/ml మధ్యలో విటమిన్ డి ఉండటం ఆరోగ్యానికి మంచిదిగా పరిగణిస్తారు.
- అయితే బ్రెస్ట్ క్యాన్సర్ నివారణ కోణంలో చూస్తే 47 ng/ml పైగా ఉన్నప్పుడు ముప్పు 50 శాతం వరకు తగ్గుతుందని పరిశోధనలు సూచిస్తున్నాయి.
- 50 ng/ml పైగా ఉంటే శరీరం దాదాపు అన్ని ఇన్ఫెక్షన్లు, క్యాన్సర్ వంటి పెద్దపెద్ద వ్యాధుల నుంచి రక్షణ పొందగలదు. ఇది శరీరానికి ఒక ఇమ్యూనిటీ బూస్టర్ లా పనిచేస్తుంది.
రోజుకి ఎంత విటమిన్ డి తీసుకోవాలి?
- శరీరానికి విటమిన్ డి సరిపడే స్థాయిలో ఉండాలంటే రోజుకు 5,000 IU (International Units) వరకు తీసుకోవాలి. ఇది సాధారణ సూచన మాత్రమే. డాక్టర్ సలహా తీసుకుని మోతాదు నిర్ణయించుకోవాలి.
- ఈ స్థాయి విటమిన్ డి సాధించాలంటే ప్రతి రోజు వెయ్యికి పైగా మిలిలీ లీటర్ల పాలు తాగాలి లేదా సూర్యరశ్మిలో కనీసం 20–30 నిమిషాలు గడపాలి.
- గుడ్లు, ఫ్యాటీ ఫిష్ (సార్డీన్స్, శాల్మన్), ఫోర్టిఫైడ్ పాలు, తృణధాన్యాలు మొదలైనవైతే సహజంగా విటమిన్ డి అందించగలవు.
మహిళలు తీసుకోవలసిన జాగ్రత్తలు
- నిత్యం ఉదయపు సూర్యరశ్మిని ఉపయోగించుకోవాలి. ఉదయం 7 నుంచి 9 గంటల మధ్యలో కనీసం 15 నిమిషాలపాటు సూర్యరశ్మిలో ఉండడం వల్ల విటమిన్ డి ఉత్పత్తి అవుతుంది.
- సహజ ఆహారంలో విటమిన్ డి ఎక్కువగా ఉండే పదార్థాలు వినియోగించాలి.
- విటమిన్ డి స్థాయి తక్కువగా ఉన్నవారు డాక్టర్ సలహా మేరకు సప్లిమెంట్స్ తీసుకోవాలి.
- యోగా, వ్యాయామం ద్వారా శరీరం ఆరోగ్యంగా ఉంచాలి.
- బ్రెస్ట్ క్యాన్సర్ గుర్తింపు కోసం సాధారణంగా ప్రతి సంవత్సరం స్క్రీనింగ్ చేయించుకోవాలి – ముఖ్యంగా 40 ఏళ్లు దాటిన తర్వాత.
తల్లులకూ, యువతకూ ఒక హెచ్చరిక
వయస్సు పెరిగిన వారికే కాదు, యువతలోనూ ఇప్పుడు విటమిన్ డి లోపం కారణంగా బ్రెస్ట్ క్యాన్సర్ ముప్పు పెరుగుతోంది. ముఖ్యంగా పనిచేసే మహిళలు, ఇంటి నుంచి బయటకు వెళ్లని గృహిణులు విటమిన్ డి లోపానికి బలవుతున్నారు. అటువంటి వారు సకాలంలో జాగ్రత్త పడితే, బ్రెస్ట్ క్యాన్సర్ వంటి ప్రాణాంతక వ్యాధిని నివారించవచ్చు .
రొమ్ము క్యాన్సర్ వస్తే ఏమవుతుంది?
క్యాన్సర్ కణాలు సమీపంలోని రొమ్ము కణజాలంలోకి (ఇన్వేషన్) వ్యాప్తి చెందుతాయి. ఇది గడ్డలు లేదా గట్టిపడటానికి కారణమయ్యే కణితులను సృష్టిస్తుంది
రొమ్ము క్యాన్సర్ లక్షణాలను లక్షణాలు?
రొమ్ము క్యాన్సర్ వ్యాప్తి చెందే కొన్ని సాధారణ లక్షణాలు: నిరంతరం అలసిపోయినట్లు అనిపించడం . నిరంతరం వికారం (అనారోగ్యంగా అనిపించడం) వివరించలేని బరువు తగ్గడం మరియు ఆకలి లేకపోవడం.
Read hindi news: hindi.vaartha.com
Read also: Instant coffee: ఇన్స్టంట్ కాఫీలతో కళ్లకు ప్రమాదం..జాగ్రత్త
