ఆంధ్రప్రదేశ్ రాజకీయాలు ఉపముఖమంత్రి పదవి చుట్టూ తిరుగుతున్నాయి . ఇన్నాళ్లు పవన్ చేసిన త్యాగాలు , సహాయాలు గుర్తింపు గా పవన్ కు ఉపముఖమంత్రి పదవి ఇచ్చినట్టు గా చెప్పిన తెలుగుదేశం పార్టీ , వారి అనుచరగణం ఇటీవల కాలం లో చేస్తున్న వ్యాఖలు కొత్త రాజకీయానికి తెర లేపాయి .రాజ్యాంగ రీత్యా ఉపముఖమంత్రి పదవికి ఎటువంటి గుర్తింపు లేదని , రాజకీయం గా సంతృప్తి పరచడం కోసం , రాజకీయ వ్యవస్థ ఏర్పాటు చేసుకున్న ఒక పదవి అని కొంత మంది వివిధ సామజిక మాధ్యమాలలో వ్యాఖలు చేస్తుండడం ఏపీ రాజకీయాలలో ఒకింత ఆసక్తిని రేకేత్తిస్తోంది . కొంత మంది తమ వాదనను బలపరచడం కోసం గతం లో సుప్రీమ్ కోర్ట్ ఇచ్చిన తీర్పులను కూడా ప్రస్తావిస్తున్నారు .
ఇదే సందర్భంలో తెలుగుదేశం పార్టీ నేతలు నారా లోకేష్ ఉపముఖమంత్రి పదవికి అర్హుడు అని కొందరు , లోకేష్ ని ఉపముఖమంత్రి గా ప్రకటించాలని కొందరు చేస్తున్న వ్యాఖలు జనసేన నాయకులు , కార్యకర్తలలో అనుమానాన్ని కలిగిస్తున్నాయి .
ఒకప్పుడు పార్టీ అధినేత పవన్ కు ఉపముఖమంత్రి పదవి ఇవ్వడం ద్వారా తెలుగు దేశం పార్టీ గౌరవించింది అని తాము భావిస్తే ఇప్పుడు ఉపముఖమంత్రి పదవికి గుర్తింపు లేదంటూ మా నాయకుడిని అవమానిస్తున్నారు అని జరుగుతున్న సంఘటనలను నిశితంగా గమనిస్తున్న జనసేన పార్టీ నేతలు అంటున్నారు .ఒకవేళ నారా లోకేష్ ని ఉపముఖమంత్రిగా ప్రకటిస్తే అది కూటమి రాజకీయాలను ఎలా ప్రభావితం చేస్తుందో అని ఇరు పార్టీల నాయకులు ఆసక్తిగా గమనిస్తున్నారు .
