భారత్పై రష్యా అధినేత పుతిన్ (Vladimir Putin) తన ప్రేమను చాటుకున్నారు. భారతీయ సినిమాలంటే తనకు చాలా ఇష్టమని తెలిపారు. భారత్-రష్యా మధ్య మంచి సంబంధాలు ఉన్న విషయం తెలిసిందే. రాజకీయంగా, దౌత్యపరంగా రెండు దేశాల మధ్య మంచి సంబంధాలు కొనసాగుతున్నాయి. రష్యా చమురు కొనుగోలు కారణంగా భారత్పై అగ్రరాజ్యం అమెరికా విధించిన అధిక టారిఫ్లతో మాస్కోతో న్యూఢిల్లీ బంధం మరింత బలపడుతోంది. ఇండియన్ ఫిల్మ్స్ (Indian Cinema)కు రష్యాలో భారీ ప్రజాదరణ ఉందని అన్నారు. నల్లసముద్రంలోని రిసార్ట్ నగరం సోచిలో జరిగిన చర్చా కార్యక్రమంలో పుతిన్ (Vladimir Putin)మాట్లాడుతూ.. భారతీయ సినిమాలపై తన ప్రేమను చాటుకున్నారు. ‘భారత దేశమే కాదు.. భారతీయ సినిమాలంటే మాకు చాలా ఇష్టం. అందుకే భారతీయ సినిమాలను రాత్రి, పగలు ప్రసారం చేసేందుకు ఓ ప్రత్యేక టెలివిజన్ ఛానెల్ను నిర్వహిస్తున్నాం. బహుశా భారత సినిమాల ప్రసారానికి ప్రత్యేక టెలివిజన్ ఛానల్ ఉన్న ఏకైక దేశం రష్యానే కావొచ్చు’ అని పుతిన్ వ్యాఖ్యానించారు.
రష్యా-భారత్ మధ్య రాజకీయంగా, దౌత్యపరంగానే కాకుండా సాంస్కృతిక, మానవతా సంబంధాలు కూడా బలంగా ఉన్నాయని పుతిన్ (Vladimir Putin)తెలిపారు. తమ దేశంలో చాలా మంది భారతీయ విద్యార్థులు చదువుతున్నారన్నారు. భారతీయ సంస్కృతి, సినిమాల పట్ల రష్యన్లకు చాలా ఆసక్తి ఉందని పుతిన్ ఈ సందర్భంగా చెప్పుకొచ్చారు. కాగా, సోవియట్ కాలం నుంచే భారతీయ సినిమాలకు రష్యాలో మంచి ఆదరణ ఉంది. రాజ్ కపూర్, మిథున్ చక్రవర్తి వంటి బాలీవుడ్ తారల పేర్లు రష్యాలోని ప్రతీ ఇంట్లో వినిపిస్తాయి. 1982లో మిథున్ చక్రవర్తి నటించిన బ్లాక్బస్టర్ ‘డిస్కో డాన్సర్’ సోవియట్ హయాంలో అత్యధిక వసూళ్లు రాబట్టిన భారతీయ చిత్రంగా నిలిచింది.
వ్లాదిమిర్ పుతిన్ ఎవరు?
వ్లాదిమిర్ వ్లాదిమిరోవిచ్ పుతిన్ (జననం 7 అక్టోబర్ 1952) ఒక రష్యన్ రాజకీయ నాయకుడు మరియు మాజీ నిఘా అధికారి, అతను 2012 నుండి రష్యా అధ్యక్షుడిగా పనిచేశాడు, గతంలో 2000 నుండి 2008 వరకు పనిచేశాడు. పుతిన్ 1999 నుండి 2000 వరకు మరియు మళ్ళీ 2008 నుండి 2012 వరకు రష్యా ప్రధానమంత్రిగా కూడా పనిచేశాడు.
రష్యాలో పుతిన్ వ్యతిరేకులు ఎవరు?
వ్యవస్థాగతం కాని ప్రతిపక్షంలో భాగంగా పరిగణించబడే ప్రధాన రాజకీయ పార్టీలలో యబ్లోకో మరియు పీపుల్స్ ఫ్రీడమ్ పార్టీ (PARNAS), నమోదుకాని పార్టీ రష్యా ఆఫ్ ది ఫ్యూచర్ మరియు లిబర్టేరియన్ పార్టీ ఆఫ్ రష్యా (LPR) ఉన్నాయి.
Read hindi news: hindi.vaartha.com
Read Also:
