విజయవాడ జిల్లా కేంద్రంగా ఇటీవల చోటుచేసుకుంటున్న పరిణామాలు, ఆంధ్రప్రదేశ్ రాజకీయ, న్యాయ వ్యవస్థల్లో అలజడి సృష్టిస్తున్నాయి. ప్రస్తుతానికి రాజకీయ నేత వల్లభనేని వంశీ, ఐపీఎస్ అధికారి సీతారామాంజనేయులు (పీఎస్సార్), మరియు మద్యం కుంభకోణంలో అరెస్టైన వ్యాపారవేత్త రాజ్ కసిరెడ్డి — ముగ్గురూ విజయవాడ జైలులో రిమాండ్ ఖైదీలుగా ఉన్నారు. ఈ ముగ్గురు వ్యక్తుల మధ్య గతంలో ఉన్న సంబంధాలు, సంఘర్షణలు ఇప్పుడు ఒక్కచోట కలవడం ఆసక్తికర మలుపులకు దారితీస్తోంది.
సీతారామాంజనేయులు అరెస్టు:
ముంబయి చెందిన ఓ నటి చేసిన అత్యాచార ఆరోపణలపై దర్యాప్తు జరిపిన పోలీసులకు అందిన ఆధారాల ప్రకారం, పీఎస్సార్ను అరెస్ట్ చేశారు. ఇటీవల ఆయనకు కోర్టు రిమాండ్ విధించగా, నంబర్ 7814 ఖైదీగా విజయవాడ జిల్లా జైలులో చేర్చారు. దక్షిణ భారతంలో సంచలనం రేపిన లిక్కర్ కుంభకోణంలో కీలక వ్యక్తిగా రాజ్ కసిరెడ్డి అరెస్టయ్యారు. ఆయనకు ఖైదీ నెంబరు 7813 కేటాయించబడింది. ప్రస్తుతం నడుం నొప్పితో బాధపడుతున్నట్టు చెప్పి జైలు అధికారుల దృష్టికి తీసుకెళ్లారు. ఆయన్ను కూడా ప్రత్యేక సెల్లో ఉంచారు.
వల్లభనేని వంశీ రిమాండ్ పొడిగింపు:
టీడీపీకి చెందిన మాజీ ఎమ్మెల్యే వల్లభనేని వంశీ ప్రస్తుతం పార్టీ రాజకీయాల నుంచి విరమించినప్పటికీ, పాత కేసుల విచారణల నేపథ్యంలో ఆయన రిమాండ్ పొడిగింపుపై కోర్టుకు హాజరయ్యారు. వంశీకి కూడ రిమాండ్ నంబరు కేటాయించి, ప్రత్యేక భద్రత కల్పించారు. ఇక్కడ ముఖ్యమైన అంశం ఏమిటంటే, వంశీ – పీఎస్సార్ మధ్య గతంలో తీవ్రమైన విభేదాలు ఉన్నాయి. కాంగ్రెస్ హయాంలో విజయవాడ నగర కమిషనర్గా పనిచేసిన పీఎస్సార్ పట్ల వంశీ ఆరోపణలు గుప్పించారు. ఆయన తన ప్రాణాలకు ప్రమాదం ఉందని ఆరోపించి పోలీస్ కమిషనర్ను తప్పించే ప్రయత్నాలు చేశారు
ఒకే కోర్టు – ఒకే జైలు:
ఒకే రోజు (బుధవారం), వంశీ రిమాండ్ పొడిగింపుకు, పీఎస్సార్ తీర్పు కోసం కోర్టుకు హాజరయ్యారు. ఆపై ఇద్దరూ విజయవాడ జైలుకు వెళ్లారు. ఒకే చుట్టు తిరిగే మూడు వివాదాల ముగ్గురు కీలక వ్యక్తులు ఒకే జైలు గోడల మధ్య ఉండటమే కాకుండా, గత కాల సంఘటనలు, రాజకీయ పరస్పర దుశ్చింతల నేపథ్యంలో ఇది రాజకీయంగా చర్చనీయాంశమైంది. జైలులో పీఎస్సార్ రిమాండ్ కోసం జైలుకు సీతారామాంజనేయులు వెళ్లినప్పుడు తనతో పాటు పూజకు కావాల్సిన వస్తువులను కూడా తీసుకెళ్లారు. తొలుత వీటిని జైలు అధికారులు సెల్లోకి తీసుకెళ్లేందుకు అనుమతించలేదు. పూజకు అనుమతించాలని పీఎస్ఆర్ కోరారు. ఇంతలో జైలు తనిఖీకి వచ్చిన డీఐజీ దృష్టికి అధికారులు తీసుకెళ్లారు. ఈ విషయాన్ని ఆయన ఉన్నతాధికారుల దృష్టికి తీసుకెళ్లి అనుమతి కోరారు. వంశీ – పీఎస్సార్ మధ్య వివాదాలు కాంగ్రెస్ అధికారంలో ఉన్న సమయం అది. ఆ సమయంలో వీరిద్దరి మధ్య పలు అంశాలపై వివాదాలు నడిచాయి. దీంతో ఇరువురి మధ్య పచ్చగడ్డి వేస్తే భగ్గుమనే పరిస్థితి నెలకొంది. అధికారాన్ని దుర్వినియోగం చేసినవారిని శిక్షిస్తామన్న ప్రభుత్వం, రాజకీయ వేధింపుల పేరిట అరెస్టులు జరుగుతున్నాయన్న విమర్శలు విపక్షాల నుంచి వినిపిస్తున్నాయి.
Read also: Ap HighCourt :పిల్ ఉపసంహరణ పై హైకోర్టు కీలక వ్యాఖ్యలు