UPSC success story : దేశంలో అత్యంత కఠినమైన పరీక్షలలో యూపీఎస్సీ సివిల్ సర్వీసెస్ ఒకటి. ఈ పరీక్షలో విజయం సాధించాలంటే ఎన్నో ఏళ్ల కష్టపాటు అవసరం. కానీ జీవితంలో పెద్ద సవాళ్లు ఎదురైనా తన లక్ష్యాన్ని వదులుకోని ఒక యువకుడు అందరికీ స్ఫూర్తిగా నిలిచాడు. ఛత్తీస్గఢ్కు చెందిన సంజయ్ దహరియా క్యాన్సర్తో పోరాడుతూ కూడా UPSCలో ర్యాంక్ సాధించి తన పట్టుదల చూపించాడు.
సామాన్య కుటుంబం నుంచి ప్రారంభమైన ప్రయాణం
సంజయ్ దహరియా ఛత్తీస్గఢ్లోని మహాసముంద్ జిల్లాకు చెందిన వ్యవసాయ కుటుంబంలో జన్మించారు. ప్రాథమిక విద్యను స్థానిక ప్రభుత్వ పాఠశాలలో పూర్తి చేశారు. డిగ్రీ అనంతరం 2009లో స్టేట్ బ్యాంక్ ఆఫ్ ఇండియాలో ఉద్యోగం సంపాదించారు.
కల కోసం ఉద్యోగానికి రాజీనామా
సివిల్ సర్వీసెస్ అధికారి కావాలనే కలతో 2011లో బ్యాంక్ ఉద్యోగానికి రాజీనామా చేశారు. అయితే అదే సమయంలో విధి అతన్ని కఠిన పరీక్షకు గురిచేసింది. 2012లో అతనికి క్యాన్సర్ ఉన్నట్లు వైద్యులు నిర్ధారించారు.
Read Also: Dubai gold price : దుబాయ్లో చవకగా బంగారం, యుద్ధమే అసలు కారణమా?
ఆరేళ్లు క్యాన్సర్తో పోరాటం
దాదాపు ఆరేళ్ల పాటు క్యాన్సర్తో పోరాడుతూ చికిత్స తీసుకున్నారు. ఈ సమయంలో ఆయన కంటి చూపు కూడా దెబ్బతింది. అయినప్పటికీ సంజయ్ తన కలను వదులుకోలేదు. జీవనోపాధి కోసం రాయ్పూర్లో బ్యాంక్, తర్వాత పోస్టాఫీసులో పనిచేస్తూనే UPSC కోసం సిద్ధమయ్యారు.
మూడో ప్రయత్నంలో విజయం
2022లో మొదటిసారి UPSC పరీక్ష రాసిన సంజయ్ నిరంతరంగా ప్రయత్నం కొనసాగించారు. చివరకు UPSC సివిల్ సర్వీసెస్ 2025 ఫలితాల్లో 946వ ర్యాంకు సాధించి తన లక్ష్యాన్ని చేరుకున్నారు.
నిరాశ చెందకపోతే విజయం ఖాయం
ఎన్ని కష్టాలు వచ్చినా నిరాశ చెందకుండా కష్టపడితే తప్పకుండా విజయం సాధించవచ్చని సంజయ్ చెబుతున్నారు. తనకు ఏ కేడర్ వచ్చినా ప్రజాసేవ చేయడమే తన లక్ష్యమని ఆయన పేర్కొన్నారు.
Read hindi news: hindi.vaartha.com
Epaper: epaper.vaartha.com
Read Also: