తెలంగాణ ప్రభుత్వం అత్యంత ప్రతిష్ఠాత్మకంగా నిర్వహిస్తున్న ‘గద్దర్ ఫిల్మ్ అవార్డ్స్ 2025’ ప్రక్రియలో కీలక పరిణామం చోటుచేసుకుంది. ఈ అవార్డుల ఎంపిక కోసం ఏర్పాటు చేసిన స్పెషల్ జ్యూరీ కమిటీ ఛైర్మన్గా ప్రముఖ నిర్మాత, సినీ విశ్లేషకుడు తమ్మారెడ్డి భరద్వాజను ప్రభుత్వం నియమించింది. గతంలో ఈ బాధ్యతల్లో ఉన్న లెజెండరీ దర్శకుడు కె. రాఘవేంద్రరావు స్థానంలో తమ్మారెడ్డికి ఈ బాధ్యతలు అప్పగిస్తూ తెలంగాణ ఫిల్మ్ డెవలప్మెంట్ కార్పొరేషన్ (TFDC) తాజాగా ఉత్తర్వులు జారీ చేసింది. ప్రజా యుద్ధనౌక గద్దర్ స్మారకార్థం ఇస్తున్న ఈ అవార్డుల నిర్వహణలో తమ్మారెడ్డి అనుభవం కీలకం కానుందని భావిస్తున్నారు.
IFR Milan 2026 : విశాఖలో అంతర్జాతీయ పరేడ్ వైభవం, ప్రపంచం చూపు ఇక్కడే!
తెలుగు నూతన సంవత్సరం ఉగాది పర్వదినం సందర్భంగా మార్చి 19న ఈ అవార్డుల ప్రధానోత్సవ వేడుకను అత్యంత వైభవంగా నిర్వహించేందుకు ప్రభుత్వం ఏర్పాట్లు చేస్తోంది. 2024-25 సంవత్సరాల మధ్య విడుదలైన చిత్రాలను పరిగణనలోకి తీసుకుని, వాటిలో ఉత్తమ ప్రతిభ కనబరిచిన నటీనటులు, సాంకేతిక నిపుణులను జ్యూరీ కమిటీ ఎంపిక చేయనుంది. కేవలం గ్లామర్ కోణంలోనే కాకుండా, సామాజిక స్పృహ మరియు కళాత్మక విలువలు ఉన్న చిత్రాలకు ఈ అవార్డులలో ప్రాధాన్యత లభించే అవకాశం ఉంది.
గతంలో కొనసాగిన ‘నంది’ అవార్డుల స్థానంలో తెలంగాణ ప్రభుత్వం తీసుకొచ్చిన ఈ ‘గద్దర్ అవార్డులు’ సినీ పరిశ్రమలో కొత్త ఉత్సాహాన్ని నింపుతున్నాయి. లోకల్ టాలెంట్ను ప్రోత్సహించడంతో పాటు, చిత్ర పరిశ్రమకు ప్రభుత్వం ఇస్తున్న మద్దతును ఈ అవార్డులు చాటిచెప్పనున్నాయి. తమ్మారెడ్డి భరద్వాజ నేతృత్వంలోని జ్యూరీ, ఎంపిక ప్రక్రియను అత్యంత పారదర్శకంగా మరియు సమర్థవంతంగా నిర్వహిస్తుందని చిత్ర పరిశ్రమ వర్గాలు ఆశాభావం వ్యక్తం చేస్తున్నాయి. గద్దర్ పేరు మీదుగా అవార్డులు అందుకోవడం తమకు దక్కే అరుదైన గౌరవమని పలువురు సినీ ప్రముఖులు ఇప్పటికే అభిప్రాయపడ్డారు.
ఉగాది సందర్భంగా మార్చి 19న గద్దర్ సినీ అవార్డులను ప్రదానం చేయనున్నారు. గద్దర్ పేరు మీద ఇస్తున్న ఈ అవార్డులు సినీ పరిశ్రలో ఉత్తేజాన్ని నింపుతాయని ప్రభుత్వం భావిస్తోంది. 2024-25లో విడుదలైన సినిమాలలో ఉత్తమ ప్రతిభ కనబరిచిన నటీనటులు, సాంకేతిక నిపుణులను అవార్డులకు ఎంపిక చేయనున్నారు.
Read hindi news: hindi.vaartha.com
Read Also Epaper : epaper.vaartha.com