టీమ్ ఇండియా స్టార్ ఓపెనర్, ‘గబ్బర్’గా పిలవబడే శిఖర్ ధావన్ తన వ్యక్తిగత జీవితంలో కొత్త అధ్యాయాన్ని ప్రారంభించబోతున్నారు. ఐర్లాండ్కు చెందిన తన ప్రేయసి సోఫీ షైన్ను ఆయన త్వరలో వివాహం చేసుకోబోతున్నట్లు క్రీడా మరియు సినీ వర్గాల్లో జోరుగా ప్రచారం సాగుతోంది. గత రెండేళ్లుగా వీరిద్దరూ పీకల్లోతు ప్రేమలో ఉన్నారని, పరస్పర అంగీకారంతో ఇప్పుడు ఈ బంధాన్ని పెళ్లి పీటల వరకు తీసుకెళ్లాలని నిర్ణయించుకున్నట్లు తెలుస్తోంది. ఇటీవలే ధావన్ తన సోషల్ మీడియా వేదికగా సోఫీతో ఉన్న ఫోటోలను పంచుకోవడంతో ఈ వార్తలకు మరింత బలం చేకూరింది.
ఈ వివాహ వేడుకను వచ్చే ఏడాది ఫిబ్రవరి మూడో వారంలో దేశ రాజధాని ఢిల్లీలో ఘనంగా నిర్వహించేందుకు ఏర్పాట్లు జరుగుతున్నాయి. ఇప్పటికే ధావన్ నివాసంలో పెళ్లి పనులు ప్రారంభమయ్యాయని, దీనికి సంబంధించి అత్యంత సన్నిహితులకు సమాచారం అందినట్లు సమాచారం. ఈ వేడుకకు భారత క్రికెట్ జట్టు సభ్యులతో పాటు, బాలీవుడ్ ప్రముఖులు మరియు అంతర్జాతీయ క్రికెటర్లు కూడా హాజరుకానున్నట్లు తెలుస్తోంది. ధావన్ తన రెండో ఇన్నింగ్స్ను అత్యంత వైభవంగా ప్రారంభించాలని ప్లాన్ చేస్తున్నట్లు ఆయన సన్నిహిత వర్గాలు వెల్లడించాయి.
Maoists news : ప్రభుత్వ డెడ్లైన్కు మావోయిస్టుల రివర్స్ వ్యూహం Operation Kagar
శిఖర్ ధావన్ గతంలో 2012లో ఆస్ట్రేలియాకు చెందిన ఆయేషా ముఖర్జీని వివాహం చేసుకున్న సంగతి తెలిసిందే. వీరికి జోరావర్ అనే కుమారుడు ఉన్నాడు. అయితే, మనస్పర్థల కారణంగా వీరిద్దరూ 2021 నుండి విడివిడిగా ఉంటున్నారు మరియు 2023లో అధికారికంగా కోర్టు ద్వారా విడాకులు తీసుకున్నారు. విడాకుల అనంతరం కొంతకాలం ఒంటరిగా ఉన్న ధావన్, సోఫీ షైన్తో పరిచయం పెంచుకుని మళ్లీ వైవాహిక జీవితంలోకి అడుగుపెడుతుండటంతో అభిమానులు ఆయనకు సోషల్ మీడియా వేదికగా శుభాకాంక్షలు తెలుపుతున్నారు.
Read hindi news: hindi.vaartha.com
Epaper : epaper.vaartha.com
