మద్యం ప్రియులకు పండుగ వాతావరణం
తెలుగు రాష్ట్రాల్లో మద్యం ప్రియులకు ఇది పండుగ వాతావరణమే. 2024-25లో మద్యం అమ్మకాలు రికార్డు స్థాయిలో నమోదవడంతో, ఈ ఏడాది ఆ స్థాయిని కొనసాగించేందుకు ఎక్సైజ్ శాఖ ఏర్పాట్లు చేస్తోంది. ఇందులో భాగంగా కొత్త మద్యం బ్రాండ్లను మార్కెట్లోకి తీసుకురావడానికి చర్యలు ప్రారంభించాయి. మద్యం తయారీ కంపెనీల నుంచి దరఖాస్తులకు భారీ స్పందన రావడం గమనార్హం. రాష్ట్ర వ్యాప్తంగా మార్కెట్ డిమాండ్ పెరుగుతోందన్న అంచనాలతో, ప్రభుత్వ ఆదాయాన్ని పెంచే ఉద్దేశంతో ఎక్సైజ్ శాఖ ముందడుగు వేసింది. దేశీయ, విదేశీ బ్రాండ్లకు అవకాశాలు కల్పిస్తూ కొత్త మద్యం ఎంట్రీకి రంగం సిద్ధమవుతోంది.
కొత్త బ్రాండ్ల మద్యం మార్కెట్లోకి ఎంట్రీ
తెలంగాణ బేవరేజెస్ కార్పొరేషన్ లిమిటెడ్ (టీజీబీసీఎల్) కొత్త మద్యం బ్రాండ్ల సరఫరాకు జాతీయ, అంతర్జాతీయ తయారీదారులను ఆహ్వానించింది. దీనికి స్పందనగా మొత్తం 92 కంపెనీలు 604 రకాల మద్యం బ్రాండ్లను ప్రవేశపెట్టేందుకు దరఖాస్తు చేశాయి. వీటిలో 273 విదేశీ బ్రాండ్లు కాగా, 331 స్వదేశీ బ్రాండ్లు. ఇప్పటికే మార్కెట్లో ఉన్న 45 పాత కంపెనీలు 218 బ్రాండ్లకు, కొత్తగా వచ్చిన 47 కంపెనీలు 386 బ్రాండ్లకు అనుమతి కోరాయి. రాష్ట్రంలో పెద్ద ఎత్తున కొత్త బ్రాండ్లకు దరఖాస్తులు రావడం ఇదే తొలిసారి కావడం విశేషం. ఇది మద్యం మార్కెట్లో పోటీని మరింత పెంచే అవకాశముంది.
మద్యం అమ్మకాల వృద్ధి – ఆదాయంలో పెరుగుదల
2023-24లో మద్యం అమ్మకాల ద్వారా రాష్ట్ర ప్రభుత్వానికి రూ. 34,800 కోట్ల ఆదాయం వచ్చిన సంగతి తెలిసిందే. అదే స్థాయిలో 2024-25లో రూ. 34,600 కోట్లు వచ్చాయి. కొత్త దుకాణాల లైసెన్సు ఫీజులతో పాటు దరఖాస్తుల ద్వారా దాదాపు రూ. 264 కోట్లు అదనంగా వచ్చినట్టు ఎక్సైజ్ శాఖ లెక్కలు చెబుతున్నాయి. గత ఆర్థిక సంవత్సరంతో పోల్చితే మద్యం విక్రయాల్లో 2 శాతం వృద్ధి, ఆదాయంలో 7 శాతం వృద్ధి నమోదైంది.
బీర్ల ధరల పెంపు – కొత్త బార్ల ఏర్పాటుకు ప్రయత్నాలు
ఆర్థిక పరంగా లక్ష్య సాధనలో భాగంగా ప్రభుత్వం ఇప్పటికే బీర్ల ధరలను స్వల్పంగా పెంచింది. అలాగే కొత్తగా 25 బార్లకు అనుమతి ఇవ్వాలని నిర్ణయం తీసుకుంది. ఇందులో భాగంగా దేశీయంగా 32 కంపెనీలు 149 రకాల మద్యం సరఫరాకు దరఖాస్తు చేయగా, 13 విదేశీ కంపెనీలు 69 విదేశీ బ్రాండ్లను సరఫరా చేసేందుకు ముందుకొచ్చాయి. తాజా దరఖాస్తుల్లో 204 ఫారిన్ లిక్కర్ బ్రాండ్లు, 182 ఇండియన్ మేడ్ లిక్కర్ బ్రాండ్లు ఉన్నాయి.
ధరల విషయంలో జాగ్రత్తగా అడుగులు
కొత్త బ్రాండ్లకు అనుమతులు ఇవ్వడంలో ఎక్సైజ్ శాఖ అధికారులు ఎంతో జాగ్రత్త వహిస్తున్నారు. ఆయా కంపెనీల అర్హతలు, నాణ్యత ప్రమాణాలు, మార్కెట్ డిమాండ్ను పరిశీలిస్తున్నాయి. అలాగే ధరల విషయంలోనూ వినియోగదారులకు భారం కాకుండా, ప్రభుత్వ ఆదాయం పెరిగేలా వ్యూహాత్మకంగా నిర్ణయాలు తీసుకుంటున్నారు.
READ ALSO: Mujra Party :రంగారెడ్డి గ్రామ శివార్లో ఫామ్ హౌస్ లో ముజ్రా పార్టీ ని భగ్నం చేసిన పోలీసులు