వెస్ట్రన్ సిడ్నీ యూనివర్సిటీని సందర్శించిన మంత్రి లోకేశ్
ఆంధ్రప్రదేశ్ వ్యవసాయ రంగాన్ని ఆధునిక సాంకేతికతతో అభివృద్ధి చేయాలన్న లక్ష్యంతో రాష్ట్ర ఐటీ, విద్యా శాఖ మంత్రి నారా లోకేశ్ ఆస్ట్రేలియాలో పర్యటనలో ఉన్నారు. ఈ సందర్భంగా వెస్ట్రన్ సిడ్నీ యూనివర్సిటీ ని సందర్శించిన మంత్రి,(Nara Lokesh) అక్కడి పరిశోధకులు, వర్సిటీ ప్రతినిధులతో సమావేశమయ్యారు. రాష్ట్ర వ్యవసాయ రంగం ఎదుర్కొంటున్న సమస్యలను పరిష్కరించేందుకు వర్సిటీతో కలిసి పని చేయాలన్న అభిప్రాయాన్ని వ్యక్తం చేశారు. వాతావరణ మార్పులను తట్టుకునే పంటలు, స్మార్ట్ ఫార్మింగ్, కృత్రిమ మేధస్సు ఆధారిత వ్యవసాయ పరిష్కారాల అభివృద్ధి వంటి అంశాలపై ప్రతిపాదనలు చేశారు.
ఆచార్య ఎన్జీ రంగా వ్యవసాయ విశ్వవిద్యాలయంతో కలిసి వర్సిటీ భాగస్వామ్యం కావాలని సూచించిన మంత్రి, రైతులకు శిక్షణ కార్యక్రమాలు, పరిశోధనల మార్గదర్శకంతో వ్యవసాయ రంగంలో స్థిరమైన పరిష్కారాలను అందించాలని కోరారు. స్మార్ట్ ఇరిగేషన్, ఏఐ, IoT ఆధారిత వ్యవసాయ పద్ధతులపై కలిసి పనిచేయాలని వర్సిటీని కోరారు.
Read also: భారీగా పెరిగిన బంగారం ధరలు
ఏపీతో భాగస్వామ్యానికి ఆసక్తి చూపిన వెస్ట్రన్ సిడ్నీ యూనివర్సిటీ
మంత్రి లోకేశ్ (Nara Lokesh) ప్రతిపాదనలపై వెస్ట్రన్ సిడ్నీ యూనివర్సిటీ(Western Sydney University)ప్రతినిధులు సానుకూలంగా స్పందించారు. తమ విశ్వవిద్యాలయం స్థిరమైన అభివృద్ధిలో ప్రపంచంలోనే అగ్రస్థానంలో ఉందని, ప్రపంచ టాప్ 2% వర్సిటీల్లో ఒకటిగా గుర్తింపు పొందిందని వారు తెలిపారు. అలాగే, ఇప్పటికే ఐఐటీలు, ఇతర భారతీయ సంస్థలతో కలిసి పనిచేస్తున్న అనుభవాన్ని ప్రస్తావించారు. తమ అనుబంధ సంస్థ హాక్స్బరీ ఇన్స్టిట్యూట్ ఫర్ ద ఎన్విరాన్మెంట్ ద్వారా భూసారం, నీటి నిర్వహణ, పంట దిగుబడి పెంపు వంటి రంగాల్లో విస్తృత పరిశోధనలు చేస్తున్నామని వివరించారు. ఏఐ, సెన్సార్ టెక్నాలజీ, IoT ఆధారిత వ్యవసాయ పద్ధతుల అభివృద్ధిలో తమ విశేష నైపుణ్యం ఉందని, ఆంధ్రప్రదేశ్ ప్రభుత్వం చేపట్టే కార్యక్రమాలకు పూర్తి స్థాయిలో మద్దతు ఇవ్వడానికి సిద్ధంగా ఉన్నట్లు తెలిపారు.
నారా లోకేశ్ ఏ దేశాన్ని సందర్శిస్తున్నారు?
నారా లోకేశ్ ఆస్ట్రేలియాలో పర్యటిస్తున్నారు. ఆయన వెస్ట్రన్ సిడ్నీ యూనివర్సిటీని సందర్శించారు.
పర్యటనలో ఆయన ప్రధాన ఉద్దేశ్యం ఏమిటి?
ఆంధ్రప్రదేశ్లో వ్యవసాయ రంగాన్ని ఆధునిక సాంకేతికతతో అభివృద్ధి చేయడం, రైతులకు శిక్షణ కార్యక్రమాలు, AI, స్మార్ట్ ఇరిగేషన్ లాంటి టెక్నాలజీలను రాష్ట్రానికి పరిచయం చేయడం ముఖ్య లక్ష్యాలు.
వర్సిటీ ప్రతినిధుల స్పందన ఎలా ఉంది?
వివిధ ప్రాజెక్టుల్లో భాగస్వామ్యం కావడంపై వారు సానుకూలంగా స్పందించారు. ఇప్పటికే భారతదేశంలోని ఇతర విద్యాసంస్థలతో పనిచేస్తున్న అనుభవం ఉందని తెలిపారు.
Read hindi news: hindi.vaartha.com
Epaper : https://epaper.vaartha.com/
Read Also: