హైదరాబాద్ నగరం చరిత్ర, సంస్కృతి, సంప్రదాయాలతో విలసిల్లిన నగరం మాత్రమే కాదు, ఇప్పుడు ప్రపంచ వేదికపై తన ప్రత్యేకతను చాటుకుంటోంది. అంతర్జాతీయంగా ప్రఖ్యాతిగాంచిన మిస్ వరల్డ్ పోటీలకు చెందిన అందగత్తెలు ఇటీవల చార్మినార్ సందర్శనలో భాగంగా నగరాన్ని సందర్శించడమే దీనికి కారణం. పాతబస్తీలోని చార్మినార్ ప్రాంతం, అక్కడి లాడ్ బజార్ ప్రస్తుతం వార్తల్లో నిలిచాయి.
చార్మినార్ – సాంప్రదాయానికి ప్రతీక
చార్మినార్ అంటేనే ఒక చిహ్నం. ఇది కేవలం చారిత్రక కట్టడం మాత్రమే కాదు – ఇది హైదరాబాద్ అద్భుతమైన ఇస్లామిక్ శైలిలో నిర్మితమైన ఈ కట్టడం తూర్పు సంస్కృతి గర్వంగా నిలుస్తున్న నిలువెత్తు గుర్తు. దీని చుట్టూ ఉన్న వీధులు, బజార్లు నగరంలోని సంప్రదాయ జీవన శైలిని ప్రతిబింబిస్తున్నాయి.
లాడ్ బజార్ – గాజులకు కేంద్రబిందువు
లాడ్ బజార్ గాజుల మార్కెట్గా మాత్రమే కాదు, ఒక సంప్రదాయ సంకేతంగా పేరుగాంచింది. మిస్ వరల్డ్ పోటీలకు చెందిన అంతర్జాతీయ సుందరీమణులు ఇటీవల చార్మినార్ను సందర్శించడమే. ప్రపంచ దేశాల అందగత్తెలు ఈ ప్రాంతాన్ని సందర్శించడంతో అందరి నోళ్లలో ఇప్పుడు లాడ్ బజార్ పేరే వినబడుతోంది. దాంతో పాటు సహజంగానే అమ్మకాలు పెరిగినట్టు స్థానిక వ్యాపారస్తులు చెబుతున్నారు. ఇదే సందర్భాన్ని అవకాశంగా మలచుకున్న గాజుల వ్యాపారులు తమ షాపుల్ని కొత్తగా అలంకరిస్తున్నారు. సందర్శకులను, కొనుగోలుదారులను ఆకర్షించడానికి వింత వింత డిజైన్ల గాజులతో, ట్రెండీ కలర్స్తో, శబ్దాన్ని ఇస్తూ మెరిసిపోతున్న వయ్యారపు గాజులతో బజార్ను కళకళలాడేలా తీర్చిదిద్దుతున్నారు. పాకిస్థాన్, రాజస్థాన్, లక్నో వంటి తదితర ప్రదేశాల నుంచి తెప్పించిన ప్రత్యేక హ్యాండ్మేడ్ గాజులు ఇప్పుడు లాడ్ బజార్లో అందుబాటులో ఉన్నాయి. చార్మినార్ పరిసరాలు ప్రపంచ అందగత్తెలు రాకతో మరింత కొత్త శోభను సంతరించుకున్నాయి. ఎప్పుడూ సందర్శకులతో హడావిడిగా ఉండే ఈ ప్రాంతం మిస్ వరల్డ్ బావమల సందర్శనతో మరింత సందడిగా మారింది.
నగరాభివృద్ధికి మిస్ వరల్డ్ రాక లాభదాయకం
నగర అభివృద్ధికి, వ్యాపార లావాదేవీలకు మంచి చేస్తుందని అంటున్నారు. మొత్తంగా హైదరాబాద్ నగరంలో మిస్ వరల్డ్ పోటీలు జరుగుతుండడం నగర అభివృద్ధికే కాకుండా తమకు కలిసొచ్చిందని వ్యాపారాలు హర్షం వ్యక్తం చేస్తున్నారు. ఇప్పుడు లాడ్ బజార్ అంటే కేవలం గాజుల మార్కెట్ మాత్రమే కాదు గ్లోబల్ గ్లామర్కు తెరతీసే అద్దం అవుతుందని, ఇది స్వాగతించదగిన పరిణామం అని స్థానిక వ్యాపారులు చెబుతున్నారు.
Read also: Miss World: తెలంగాణ తాటి కల్లు రుచి చుసిన ప్రపంచ సుందరీమణులు
