విజయవాడలో బీజేపీ రాష్ట్ర అధ్యక్షుడిగా మాధవ్ (AP BJP chief Madhav) బాధ్యతలు స్వీకరించారు. తుమ్మలపల్లి కళాక్షేత్రం నుంచి బీజేపీ కార్యాలయం వరకు భారీ ర్యాలీ నిర్వహించగా, బీజేపీ శ్రేణులు పెద్ద ఎత్తున పాల్గొన్నారు. ఈ ర్యాలీలో మాధవ్తో పాటు బీజేపీ నేతలు, కార్యకర్తలు ఉత్సాహంగా నినాదాలు చేశారు. ఈ సందర్భంగా విజయవాడలోని లెనిన్ సెంటర్ వద్ద కవి సమ్రాట్ విశ్వనాథ సత్యనారాయణ విగ్రహానికి మాధవ్ పూలమాల వేసి నివాళులర్పించారు.
తెలుగు భాషపై ప్రేమ
మాధవ్ ఈ సందర్భంగా మాట్లాడుతూ, “తెలుగు భాష కోసం విశ్వనాథ సత్యనారాయణ గారు నిరంతరం శ్రమించారు. ఆయన చేసిన సేవలకు గుర్తుగా లెనిన్ సెంటర్కు ఆయన పేరు పెట్టాలి,” అని అన్నారు. మాధవ్ వ్యాఖ్యలు భాషాభిమానులను ఆకట్టుకున్నాయి. కేవలం రాజకీయ పరంగా మాత్రమే కాక, సాంస్కృతికంగా కూడా పార్టీ బాధ్యతను మోయాలని ఆయన సంకల్పం వ్యక్తమయ్యింది.
కూటమి సమన్వయం, పార్టీని ముందుకు నడిపే ధ్యేయం
మాధవ్ స్పష్టం చేసిన విషయం ఏమిటంటే, బీజేపీ ప్రస్తుతం కూటమిలో భాగంగా ఉన్నా, అది అడ్డంకిగా కాకుండా, బలంగా మారేలా తాను ప్రయత్నిస్తానన్నారు. “కూటమిలో భాగస్వామ్యంగా మిగతా పార్టీలతో సమన్వయం చేసుకుంటూ, బీజేపీని మరింత బలోపేతం చేస్తాను. రాష్ట్రంలో బీజేపీకి మంచి స్థానం తీసుకురావడమే నా ధ్యేయం,” అని మాధవ్ పేర్కొన్నారు. కొత్త రాష్ట్ర అధ్యక్షుడిగా మాధవ్ బాధ్యతలు స్వీకరించడంతో బీజేపీలో కొత్త ఉత్సాహం కనిపిస్తోంది.
Read Also : Nara Lokesh: జగన్ విమర్శలకు నారా లోకేష్ స్ట్రాంగ్ కౌంటర్
