కార్తీక పౌర్ణమి రోజున ఉపవాసం ఉండడం హిందూ సంప్రదాయంలో అత్యంత పవిత్రమైన ఆచారంగా పరిగణించబడుతుంది. ఈ రోజు ఉపవాసం ద్వారా శరీరం, మనస్సు శుద్ధి చెంది దైవసన్నిధికి మరింత దగ్గర అవుతారని పురాణాలు చెబుతున్నాయి. కార్తీక మాసం మొత్తం దైవారాధనకు, భక్తికి అంకితమైన నెలగా భావిస్తారు. అందులోనూ పౌర్ణమి రోజున ఉపవాసం ఉండటం ద్వారా పాపాలు నశించి పుణ్యఫలాలు లభిస్తాయని నమ్మకం. ఈ ఉపవాసం కేవలం ఆహార నియమమే కాకుండా, మనసు నియంత్రణకు, ఆత్మశుద్ధికి మార్గం చూపుతుంది. రోజంతా భోజనం చేయకుండా, ధ్యానం, పఠనం, హరినామస్మరణలో గడపడం ద్వారా భక్తుడు తన ఆధ్యాత్మిక స్థాయిని పెంపొందించుకుంటాడు.
Gold Rate 05/11/25 : బంగారం ధరలు నగరాల వారీగా..
అయితే ఆరోగ్య కారణాల వల్ల లేదా ఇతర కారణాల వల్ల పూర్తిగా ఉపవాసం ఉండలేని వారు, వాయుపురాణం సూచించిన విధంగా మితాహారం చేయవచ్చు. పురాణం ప్రకారం, కార్తీక పౌర్ణమి రోజున పెసరపప్పు-బియ్యం కలిపి వండిన పదార్థంను ఒకసారి మాత్రమే తీసుకోవడం ఉత్తమం. అలాగే సహజ ఫలాలు, పంచామృతం, తులసినీరు, నువ్వులు-బెల్లం ఉండలు వంటి సాత్విక ఆహారాలను స్వీకరించడం శ్రేయస్కరం. వీటివల్ల శరీరానికి అవసరమైన శక్తి లభించడమే కాకుండా, దైవ పూజలకు శుద్ధతను కాపాడుకోవచ్చు. భోజనం ఒక్కసారే చేయాలని, తరచుగా తినడం భక్తి నియమాలకు విరుద్ధమని పండితులు సూచిస్తున్నారు.
ఉపవాసం యొక్క అసలు ఉద్దేశ్యం శారీరక త్యాగం కాకుండా, ఆత్మీయ కేంద్రీకరణ. ఆ రోజు మనస్సును దేవుడిపై లగ్నం చేస్తూ, ఆత్మ పరిశీలన చేయడం అత్యంత ముఖ్యమైంది. దైవ స్మరణలో, భజనల్లో, దీపారాధనలో సమయాన్ని గడపడం ద్వారా ఉపవాసం పుణ్యఫలం మరింతగా పెరుగుతుంది. కార్తీక పౌర్ణమి ఉపవాసం వల్ల భక్తుడు తనలోని అహంకారం, కోపం, లోభం వంటి నెగటివ్ భావాలను తగ్గించుకుని, దైవానుగ్రహాన్ని పొందుతాడని పురాణాలు చెబుతున్నాయి. కాబట్టి ఈ పవిత్ర రోజున ఉపవాసం ఉండటం కేవలం ఆచారంగా కాకుండా, ఆధ్యాత్మిక సాధనగా భావించి భక్తి, నియమం, సమర్పణతో పాటించడం శ్రేష్ఠమైనదిగా పరిగణించబడుతుంది.
Read hindi news: https://hindi.vaartha.com
Epaper : https://epaper.vaartha.com/
