హిందూ సాంప్రదాయంలో కార్తీక మాసం అత్యంత పావనమైనదిగా పరిగణించబడుతుంది. ఈ మాసం ప్రారంభం కావడంతో ఆలయాలు, తీర్థక్షేత్రాలు భక్తుల రద్దీతో కిటకిటలాడుతున్నాయి. పురాణాల ప్రకారం ఈ నెల పరమశివుడికి అత్యంత ప్రీతికరమైనది. ఈ కాలంలో భక్తులు ఉదయాన్నే స్నానం చేసి, శివాలయ దర్శనం చేయడం ఎంతో శ్రేయస్కరం అని పండితులు సూచిస్తున్నారు. నదీ స్నానం లేదా తులసి చెట్టు వద్ద దీపం వెలిగించడం పుణ్యఫలితాన్ని ఇస్తుందని, భక్తులు ప్రతీ ఉదయం దీపారాధన చేయాలని సూచిస్తున్నారు.
Breaking News – Renu Desai : భవిష్యత్తులో సన్యాసం తీసుకునే ఛాన్స్ ఉంది – రేణూ దేశాయ్
ఈ మాసంలో శివుడు, విష్ణువు ఇద్దరినీ సమానంగా ఆరాధించడం ప్రత్యేకత. తులసి వ్రందావన పూజ, దేవాలయ దర్శనం, రుద్రాభిషేకం, దీపదానం వంటి ఆచారాలు కార్తీకంలో ప్రధానమైనవి. ఉసిరి చెట్టు కింద దీపం వెలిగిస్తే జన్మజన్మాంతర పాపాలు నశిస్తాయని శాస్త్రాలు చెబుతున్నాయి. అదేవిధంగా “కార్తీక వ్రతం” ఆచరించడం ద్వారా భక్తుడికి ఆధ్యాత్మిక ప్రశాంతత, మనశ్శాంతి కలుగుతుందని పండితులు వివరిస్తున్నారు. ఈ నెలలో భోజనంలో సాత్వికత పాటించడం, దానం చేయడం, పూజలు చేయడం ద్వారా భక్తి పరమాత్మసన్నిధికి చేరువ చేస్తుందని విశ్వసిస్తారు.
పురాణాల ప్రకారం కార్తీక మాసంలో చేయబడే ప్రతి పుణ్యకార్యం ఎన్నో రెట్లు ఫలితాన్ని ఇస్తుంది. అన్నదానం, వస్త్రదానం, గోదానం వంటి దాతృత్వ కార్యక్రమాలు ఈ కాలంలో అత్యంత శ్రేష్ఠమైనవిగా పరిగణించబడతాయి. భక్తులు కుటుంబ సమేతంగా దీపారాధన చేసి, దానధర్మాలలో పాల్గొనడం ద్వారా పుణ్యాన్ని సేకరిస్తారు. ఈ నెలలో ప్రతి ఇల్లు వెలుగులతో నిండిపోవడం, శివాలయాలు భజనలతో మార్మోగిపోవడం సర్వసాధారణం. మొత్తానికి, కార్తీక మాసం భక్తి, దానం, ఆధ్యాత్మికతతో నిండిన ఒక పవిత్ర యాత్రగా భావించబడుతోంది.
Read hindi news: https://hindi.vaartha.com
Epaper : https://epaper.vaartha.com/